नंदुरबार शहर पोलीस ठाणे हद्दीत दंगा घडवुन शासकीय नोकरावर हल्ला करणे, जिवे ठार मारण्याचा प्रयत्न करणे, सार्वजनिक मालमत्तेचे नुकसान करणे, चोरी करणे, जिल्हाधिकारी यांचे मनाई आदेशाचे उल्लंघन करणे, तसेच सोशल मिडियावर आक्षेपार्ह पोस्ट करुन दोन समाजात तेढ निर्माण होईल अशाप्रकारचे 7 गंभीर गुन्हे करणाऱ्या शेख शहेबाज शेख शरफुद्दीन ऊर्फ बबलू काल्या वर दाखल करण्यात आले आहेत. तो ३३ वर्षांचा असून अली साहाब मोहल्ला, नंदुरबार येथील रहिवासी आहे. त्याला आता एक वर्षासाठी एम.पी.डी.ए. अंतर्गत स्थानबद्ध करण्यात आले आहे. वेळोवेळी प्रतिबंधात्मक कारवाई करुन देखील गुन्हेगारांचे वर्तणुकीत सुधारणा होत नसल्याने नंदुरबार जिल्हा पोलीस अधीक्षकांकडून रेकॉर्डवरील गुन्हेगारांवर कडक कारवाईचा बडगा उचलला जात आहे.

अट्टल गुन्हेगाराच्या या स्थानबद्ध प्रस्तावास जिल्हाधिकारी मिताली सेठी यांच्याकडून मंजुरी मिळताच आरोपी शेख शहेबाज शेख शरफुद्दीन ऊर्फ बबलू काल्या यास नंदुरबार शहर पोलीस ठाण्याचे पोलीस निरीक्षक अमितकुमार मनेळ यांच्या पथकाकडून जिल्ह्यातून स्थानबद्ध करण्याची कार्यवाही सुरु करण्यात आली आहे.