Gondia Woman Died In Tiger Attack: शिवराम टोला येथील महिला मोहफुले वेचण्यासाठी जंगलात गेल्या होत्या. ही फुले वेचत असताना दबा धरून बसलेल्या वाघाने त्यांच्यावर अचानक हल्ला केला.
अनुसया धानू कोल्हे (४५) असे मृत महिलेचे नाव आहे. शिवराम टोला येथील महिला मोहफुले वेचण्यासाठी जंगलात गेल्या होत्या. ही फुले वेचत असताना दबा धरून बसलेल्या वाघाने त्यांच्यावर अचानक हल्ला केला. हे पाहताच अन्य महिला जीवाच्या आकांताने पळाल्या. मात्र अनुसया या वाघाच्या हल्ल्यात सापडल्याने त्यांचा जागीच मृत्यू झाला. घटनेची माहिती मिळताच गोठणगाव वनविभागाचे अधिकारी, कर्मचारी आणि गावकऱ्यांनी घटनास्थळी गर्दी केली होती. 
बस चालवताना मोबाईलवर IPL पाहणं महागात; ई-शिवनेरीचा ‘तो’ चालक बडतर्फ; एसटी महामंडळाची मोठी कारवाई
या घटनेनंतर गावात दहशत पसरली आहे. गोठणगाव वनविभागाने नागरिकांना जंगलात एकटे न जाण्याचे आवाहन केले आहे. वनविभागाकडून पीडित कुटुंबाला मदतीसाठी आवश्यक उपाययोजना केल्या जात आहेत. परिसरात वाघाचा वावर लक्षात घेऊन सुरक्षेच्या दृष्टीने उपाययोजना आखण्यात येत आहेत. 
राज्यात ‘नव्या घरा’ची गुढी लवकरच! समूह स्वयंपुनर्विकासाबाबत निर्णय घेणार; मुख्यमंत्र्यांची ग्वाही
मध्यंतरी वनविभागातील वनपरिक्षेत्र अधिकारी यांनी गोंदिया जिल्ह्यातील ग्रामीण भागातील जनतेला सध्याच्या हंगामात पहाटेच्या सुमारास मोहफुल वेचण्यासाठी जंगल परिसरात जाण्यास मनाई करणारे आदेश दिले होते. पण, मोहफुल रात्री गळून पडत असल्याने गावकरी पहाटेच मोहफुल वेचणीसाठी जातात. या घटनेनंतर गावकऱ्यांनी सुरक्षेचा उपाय म्हणून पहाटे जंगलात जाणे टाळावे, असे आवाहन नवेगावबांधचे वनपरिक्षेत्र अधिकारी दिलीप पवार
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा