कर्तव्यावर असताना आयपीएल सामना पाहाल, तर नोकरीला मुकाल, असा इशारा महामंडळाने एसटीतील चालकांना दिला आहे. दादर-स्वारगेट मार्गावर धावणारी ई-शिवनेरी गाडी दादर पूर्वेकडून स्वारगेटच्या दिशेने शनिवारी सायंकाळी ७.३० वाजता मार्गस्थ झाली. ई-शिवनेरीमध्ये चालक खासगी कंपनीचे असतात. दादरवरून साधारण दीड तासात गाडी लोणावळा परिसरात पोहोचली. मात्र चालक केबिनमधून क्रिकेट सामन्याच्या समालोचनाचा आवाज येत असल्याने प्रवाशांनी अंदाज घेण्याचा प्रयत्न केला.
मुंबईकरांसाठी Good News! पनवेल लोकल आता बोरिवली-विरारपर्यंत धावणार; कधीपर्यंत सुरु होणार?
त्यावेळी बसच्या स्टेअरिंगमागील स्पीडोमीटरवर मोबाइल ठेवून चालक ‘आयपीएल’ सामना पाहता होता. विशेष म्हणजे, त्यावेळी गाडीचा वेग ताशी ६०-८० किमीदरम्यान होता. या धक्कादायक प्रकाराचे चित्रीकरण करून त्याचा व्हिडीओ प्रवाशांनी परिवहनमंत्री प्रताप सरनाईक यांना पाठवला. सरनाईक यांनी तातडीने एसटीच्या वरिष्ठ अधिकाऱ्यांना याबाबत नियमानुसार कारवाई करण्याचे आदेश दिले.
Nashik Crime: ‘हॅप्पी होळी’ म्हणत स्वच्छता कर्मचाऱ्यास पेटवलं; कारण ठरली दारु, नाशिक बसस्थानकात नेमकं काय घडलं?
‘बस चालवत असताना मोबाइलचा वापर करून प्रवाशांचा जीव धोक्यात घालणे आणि बेशिस्त वाहन चालवल्याचा ठपका ठेवत संबंधित चालकाला बडतर्फ केले आहे. त्याचबरोबर खासगी चालक पुरवणाऱ्या संबंधित कंपनीलाही पाच हजारांचा दंड ठोठावला आहे,’ असे एसटी महामंडळाने स्पष्ट केले. ‘शिवनेरी ही एसटीची मुंबई-पुणे मार्गावरील प्रतिष्ठित बससेवा आहे.
माणिकराव कोकाटे पुन्हा अडचणीत; नाशिक जिल्हा बॅंकेने पाठवली नोटीस, मामला कोटींचा, नेमकं प्रकरण काय?
‘अपघातविरहित सेवा’ हा या बससेवेचा नावलौकिक आहे. मात्र बेशिस्त वाहन चालवून प्रवाशांचा जीव धोक्यात घालणाऱ्या चालकांवर कठोर कारवाई करणे गरजेचे आहे. एसटीच्या प्रतिष्ठित सेवेबद्दल विश्वास दृढ होत जाईल,’ असे मंत्री सरनाईक यांनी सांगितले. ‘भविष्यात असे प्रकार रोखण्यासाठी खासगी चालक पुरवणाऱ्या संबंधित संस्थेने शिस्तबद्ध वाहन चालवण्याच्या प्रशिक्षणासह काय करावे आणि काय करू नये, याचे धडेही चालकांना देणे गरजेचे आहे,’ असेही त्यांनी स्पष्ट केले.