याबाबत पोलिसांनी दिलेल्या माहिती अशी की, गुरुवारी २० मार्च रोजी योगेश पवार गायब झाल्याची पोलीस ठाण्यात नोंद झाली होती. त्यानुसार सहाय्यक पोलीस निरीक्षक दत्तात्रय दराडे यांच्या निरीक्षणाखाली योगेश पवार हा कुठे गायब झाला? त्याचे काय बरेवाईट झाले आहे का? याचा शोध घेण्यासाठी पथक तयार करण्यात आलं. पोलिसांना सुरुवातीला काही धागेदोरे सापडत नव्हते. मात्र, पोलिसांनी तांत्रिक पद्धतीचा अवलंब केल्यानंतर तांत्रिक विश्लेषणाच्या आधारे योगेश सर्वात शेवटी माण तालुक्यातील नरवणे येथे गेल्याचं समजलं. त्यानुसार नरवणेमध्ये मिळालेल्या गोपनीय माहितीच्या आधारे योगेशचं नरवणेच्या माहेरवाशीनीसोबत प्रेमसंबंध असल्याची माहिती मिळाली.
Haryana News : घराला आग लागल्याचा बनाव, पाच जणांच्या मृत्यूचं गूढ उकललं; पत्नी आणि तीन मुलांसोबत आक्रीत घडलं
मात्र, पोलिसांनी संशयित माहेरवाशीनीच्या घरी जाऊन चौकशी केली असता ती तिथे आढळून आली नाही. त्यानंतर संशयित आरोपी बारामती आणि मुंबई येथे असल्याची गोपनीय माहिती पोलिसांना मिळाली. त्यापैकी प्रथमेश आणि अकील विश्वकर्मा या दोघांना बारामतीमधून पोलिसांनी ताब्यात घेतलं. त्यांच्याकडे केलेल्या कसून चौकशीनंतर त्यांनी लोखंडी गजाने मारून योगेशची हत्या केल्याची कबुली दिली. त्यानंतर उर्वरित संशयितांची नावं पोलिसांपुढे निष्पन्न झाली.

संशयितांपैकी नरवणे गावची माहेरवाशीन रोशनी माने आणि तिची आई पार्वती माने या दोघींना मुंबईतून ताब्यात घेतलं. त्यांच्याकडे चौकशी केली असता या हत्या प्रकरणात एकूण सात जण सामील असल्याची माहिती पोलिसांना मिळाली.
Meerut Case : लग्नासाठी तीन वेळा घरातून पळाले, नंतर प्रेमाचा भयंकर अंत; सौरभच्या मृत्यूआधी काय घडलं? कुटुंबीयांनी सारंच सांगितलं
ताब्यात असलेल्या चार जणांकडे पोलिसांनी केलेल्या कसून चौकशीनंतर योगेशची निर्घृण हत्या केली. त्यानंतर त्याला स्विफ्ट गाडीमध्ये टाकून, गाडी लॉक करून गाडीसह नातेपुते परिसरात पाण्याच्या कॅनॉलमध्ये टाकून दिलं. त्यानंतर पोलिसांनी राबवलेल्या शोध मोहिमेनंतर सदर गाडी फडतरीला जाणाऱ्या रोडवरील कॅनॉलच्या ठिकाणी आढळून आली. त्यानंतर स्विफ्ट गाडी आणि योगेशचा मृतदेह क्रेनच्या साहाय्याने बाहेर काढण्यात आला. याबाबत नातेपुते पोलीस ठाण्यात आकस्मित मृत्यूची नोंद करण्यात आली.

मृत योगेश पवार याचा मोठा भाऊ तेजस पवार याने दहिवडी पोलिसात दिलेल्या तक्रारीनुसार सात जणांविरोधात खुनाचा गुन्हा दाखल करण्यात आला. सात पैकी चारजण दहिवडी पोलिसांच्या ताब्यात असून तिघांचा तपास पोलीस घेत आहेत. या एकूण गुन्ह्याचा तपास वरिष्ठांच्या मार्गदर्शनाखाली सहायक पोलीस निरीक्षक दत्तात्रय दराडे करत आहेत.