“शिवसेना भाजपमधून बाहेर आली. त्यानंतर शिवसेना शिवसेनेतून बाहेर आली. मग राष्ट्रवादी राष्ट्रवादीतून बाहेर आली. एका मतदाराला 9 बटन दिले. सर्व संभ्रमात पडले, पक्ष चालू एकाने केला होता, ते मुंबईतील खूप मोठा जिल्हा आहे ठाणे, तिथून येतात”, असा टोला कुणाल कामरा यांनी लगावला आहे. यानंतर कुणाल आपली कविता सादर करतो.
Sambhajiraje Chhatrapati : रायगडावरील वाघ्या कुत्र्याची समाधी हटवा, संभाजीराजेंची मुख्यमंत्र्यांकडे मागणी
“ह्यांचं हे राजकारण आहे. परिवारवाद संपवायचा होता, कुणाचा बाप चोरुन घेतला. काय रिप्लाय असेल? मी उद्या तेंडुलकरच्या मुलाला भेटू का की, चल भाई जेवण करुयात. तेंडुलकरचं कौतुक करतो आणि सांगतो, भाई आजपासून तो माझा बाप”, असं कुणाल कामरा कविता सादर केल्यानंतर मिश्किलपणे म्हणाला.

उदय सामंत यांचा मोठा इशारा

कुणाल कामाराच्या कवितेवरुन राजकीय वाद निर्माण होण्याची शक्यता आहे. मंत्री उदय सामंत यांनी कुणाल कामरा याच्याविरोधात गुन्हा दाखल करण्याचा इशारा दिला आहे. “पूर्ण गाणं ऐकून आमचे आमदार कुणाल कामरावर एफआयआर दाखल करण्याच्या मनस्थितीत आहेत. एकनाथ शिंदे यांच्याबाबत बदनामकारक ते गाणं असेल आणि अशा पद्धतीने कुणी गाणं म्हणायला लागलं तर आम्ही आमदार, पदाधिकारी आणि कार्यकर्ते कुणीही ऐकून घेणार नाहीत. त्याच्यावर पोलिसांकडून कारवाई करण्याची मागणी करु”, अशी भूमिका उदय सामंत यांनी मांडली आहे. उदय सामंत यांच्या या इशाऱ्यानंतर या गाण्यावरुन आता राजकारण तापण्याची चिन्हं आहेत.