जुन्या हिस्लॉप कॉलेजच्या मागील बाजूस असलेल्या वस्तीत मोठ्या प्रमाणात तोडफोड आणि जाळपोळ झाली. आसपासच्या भागात राहणाऱ्या तरुणांनी तोडफोड आणि जाळपोळ केल्याचा दावा स्थानिकांनी केला. या तरुणांची काही ओळखपत्रं स्थानिकांच्या हाती लागली आहेत. पोलीस या भागात पोहोचताच तरुणांनी पळ काढला. पोलिसांनी धरपकड सुरु केल्यानं बाहेरुन आलेले तरुण त्यांच्या दुचाक्या सोडून पळून गेले, अशी माहिती स्थानिक रहिवाशींनी दिली.
Nagpur Violence: हिंदू-मुस्लिम वरुन राजकारण नको! कुठे जाणार हे करुन? उद्विग्न तरुण भडाभडा बोलला, डोळ्यात पाणी
चिटणीस पार्क, भालदारपुरासह आसपासच्या भागात हिंसाचाराच्या घटना घडल्या. हिस्लॉप कॉलेजच्या मागील बाजूस असलेल्या वस्तीत मोठा जमाव शिरला. त्यांनी या भागात दगडफेक केली. जमाव प्रचंड असल्यानं त्यांच्यासमोर पोलिसांची संख्या तुटपुंजी ठरली. स्थानिकही रस्त्यावर उतरले. पण जमाव मोठा असल्यानं त्यांचा निभाव लागला नाही.

काल रात्रीच्या सुमारास घडलेला घटनाक्रम स्थानिकांनी कथन केला. ‘माथेफिरु तरुणांनी घरांवर, वाहनांवर गोटे मारले. पेट्रोल बॉम्ब फेकले. सुतळी बॉम्बसुद्धा फेकले. कपडे टाकून गाडी पेटवली. कारवर मोठा दगड टाकला,’ अशा शब्दांत स्थानिकांनी वस्तीवर झालेल्या हल्ल्याबद्दल सांगितलं. त्यावेळी त्यांनी शेजारीच उभी असलेली, त्यांच्याच वस्तीतील व्यक्तीच्या मालकीची कार दाखवली. त्या कारच्या पुढील भागात मोठा दगड दिसत होता. कार पेटवून देण्यात आलेली होती.
Nagpur Violence: तुमको मार डालेंगे! रिक्षा थांबवून धमकी, तोडफोड करत शिवीगाळ; नागपूरच्या दहिकरांना अश्रू अनावर
‘बाहेरुन आलेल्या तरुणांनी जाणुनबुजून नुकसान केलं. हल्ला करणारे तरुण बाहेरचे होते. त्यांची ओळखपत्रं सापडली आहेत. पळताना त्यांच्या खिशातून ती पडली. या भागात राहणारी काही मुलं आणि बाकी बाहेरची मुलं होती. प्रचंड मोठा जमाव होता. त्यांना रोखायला पोलीस होते. पण ते अपुरे पडले. आम्ही पण होतो. मात्र ते आमच्या पाचपट होते,’ अशा शब्दांत स्थानिकांनी कालचा घटनाक्रम सांगितला.