डॉ. विखे म्हणाले, डॉ. पाटकर यांनी मी त्यांचा विद्यार्थी असलेले अहिल्यानगरमध्ये येऊन सांगितले हे बरे झाले. माझ्या वैदयकीय डिग्रीवर संशय घेऊन टीका करणाऱ्यांना आता उत्तर मिळाले असेल. मी खरोखरच न्यूरोसर्जन आहे याची आता विरोधकांची खात्री पटली असेल. सुरवातीच्या काळात वैद्यकीय सेवा करताना आपण रुग्णांना वास्तववादी सल्ले देत होतो. मात्र, काही लोकांनी त्याचा उलटा अर्थ घेतला. पुढे मी वैद्यकीय व्यवसाय सोडून राजकारणात आलो. राजकारणातील डॉक्टर होऊन रुग्णांची सेवा करावी, असा यामागे उद्देश होता. त्यादृष्टीने सुरवात केली. मात्र, गेल्या लोकसभा निवडणुकीत माझा पराभव झाला. या पराभवातून मी सावरलो आहे. आता पुन्हा वैद्यकीय व्यवसायात जाऊन लोकांची सेवा करण्याचा विचार करतो. राजकारण असो की वैद्यकीय व्यवसाय आपण जाहिरातबाजीत कमी पडलो. त्यामुळे उलटा प्रचार अधिक झाला. मात्र, जाहिरातीपेक्षा कृतीला जास्त महत्व असते, येणाऱ्या काळात दिसून येईलच, असेही डॉ. विखे म्हणाले.

अहिल्यानगरच्या मॅककेअर सुपर स्पेशलिटी हॉस्पिटलमध्ये करण्यात येणार आहेत. त्याचे उद्घाटन या न्यूरोसर्जन मंडळींच्या हस्ते करण्यात आले. डॉ. पाटकर, डॉ. विखे यांच्यासोबतच डॉ. मोहम्मद माजीद, कॅन्सर तज्ञ व मॅककेअर हॉस्पिटलचे संचालक डॉ. सतीश सोनवणे उपस्थित होते.

लोकसभा निवडणुकीच्या प्रचाराच्यावेळी डॉ. विखे यांच्या न्यूरोसर्जन असल्याबद्दल विरोधकांकडून शंका उपस्थित केल्या जात होत्या. त्याला उत्तर देण्याची संधी आज त्यांनी साधली. डॉ. पाटकर विखेंचे शिक्षक आहेत. त्यांनीच विखेंचा शिष्य असा उल्लेख केल्याची संधी विखेंनी साधली. शिवाय डॉ. पाटकर हेही आपल्यासारखेच जाहिरातबाजीपेक्षा कामाला महत्व देणारे असल्याचेही विखे म्हणाले.