खोक्या उर्फ सतीश भोसलेचा मारहाणीचा व्हिडिओ व्हायरल झाला आणि त्यावरती कारवाई झाली.त्यानंतर ज्या ठिकाणी खोक्याने घरं उभारलं होतं ते वनविभागाच्या जागेवर उभारलं असल्याची…माहिती समोर आली आणि तिथे वनविभागाकडून कारवाई करण्यात आली. दरम्यान आज भाजप आमदार सुरेश धस यांनी सतीश भोसले याच्या कुटुंबियांची भेट घेतली. भेटीनंतर त्यांनी माध्यमांशी बोलताना आक्रमक प्रतिक्रिया दिली आहे. ते म्हणाले, वनविभागाने घर पाडली हे कोणत्या नियमाने केलं त्याची उत्तरे मिळणे गरजेचं आहे.वनविभागाने कोणतीही नोटीस न देता त्यांचे घर पाडलं, हा कोणता नियम आहे. कुटुंबाच्या पुनर्वसनासाठी आम्ही विचार करू, त्यांना तात्पुरत्या स्वरूपात मदत करण्याचा प्रयत्न आहे. याचं घर पाडण्याचं कारण काय?, कुणाच्या दबावाखाली केलं हेच आम्ही बघत आहोत.