धीरज सावंत असे या अभियांत्याचे नाव असून तो बी. ई. मेकॅनिकल इंजिनिअर आहे. झटपट पैसे आणि शिक्षणासाठी लागणारा लाखोंचा खर्च आणि आपली हौस पूर्ण करण्यासाठी त्याने उच्चं शिक्षितांची एक गँग तयार केली. त्यातून धीरज आणि त्याच्या गँगने शहरातील अनेक ठिकाणी बाईक चोरी करण्यास सुरवात केली. एक दोन नाही तर तब्बल ५३ दुचाकीची चोरी यांनी केली.

दुचाकी चोरल्यानंतर काय करायचे?
गेल्या काही दिवसांपासून धीरज आणि त्याचे मित्र पुणे शहरातून दुचाकी चोरायचे. त्यांची नंबर प्लेट बदलून आणि खोटी कागदपत्र तयार करून त्या दुचाकी ते इतर जिल्ह्यात त्याची विक्री करायचे. एवढंच नाही तर ते इतर जिल्ह्यातील दुचाकी चोरून पुण्यात याची विक्री करायचे. या इंजिनिअरची गुन्हा करण्याची पद्धत देखील एखाद्या सराईत गुन्हेगाराला लाजवेल अशीच होती. त्यातून पोलीस देखील आश्चर्य चकित झाले. मात्र पोलिसांनी या प्रकरणाच्या मुळाशी जाऊन शेवटी या इंजिनिअर आणि त्याच्या दुचाकी चोरणाऱ्या टोळीचा अखेर पर्दाफाश केला आहे. अशी माहिती पोलिसांकडून देण्यात आली आहे.

धीरज आणि त्याचे मित्र हे सर्वजण उच्चं शिक्षित असून आपला शौक पूर्ण करण्यासाठी त्यांनी हा झटापट पैसे कमावण्याचा मार्ग निवडला असल्याचे तपासात समोर आले आहे. पण, या मार्गाने पैसे कमावून आपण आपल्या कुटुंबंला आणि आपल्या आयुष्याला फसवत तर नाही ना, याचा विचार आजच्या तरुण पिढीने करणे गरजेचे आहे.