Mumbai Borivali Railway Station: मुंबईच्या बोरिवली रेल्वे स्थानकात एक धक्कादायक घटना घडली आहे. येथे एक महिला धावत्या रेल्वेतून उतरताना पडली.
धावत्या गाडीतून उतरण्याच्या प्रयत्नात महिला पडली अन्…
मुंबईच्या बोरिवली रेल्वे स्थानकावर एक महिला प्रवाशाने धावत्या ट्रेनमधून खाली उतरण्याचा प्रयत्न केला. यावेळी उतरण्याच्या नादात तिचा तोल गेला. यावेळी तेथे तैनात असलेल्या रेल्वे पोलीस कर्मचाऱ्याने प्रसंगावधान दाखवत तिला बाहेर ओढलं आणि तिचा जीव वाचवला.
या नाट्यमय बचावाचा व्हिडिओ सोशल मीडियावर मोठ्या प्रमाणात व्हायरल होत आहे. रेल्वे मंत्रालयाने हा व्हिडिओ X वर शेअर केले आहे, ज्यामध्ये ती महिला धावत्या ट्रेनमधून खाली उतरण्याचा प्रयत्न करत असल्याचं दिसत आहे. परंतु उतरत असताना तिचा तोल गेला, ती प्लॅटफॉर्मआणि ट्रेनमध्ये पडू लागली. तेवढ्यात रेल्वे स्थानकावर उपस्थित असलेल्या एका पोलीस कर्मचाऱ्याने धाव घेतली आणि त्या महिलेला बाहेर ओढलं. या पोलिसाच्या प्रसंगावधान राखल्याने मोठा अपघात टळला आहे आणि या महिलेचे प्राण वाचले.
रेल्वे मंत्रालयाने आपल्या पोस्टमध्ये लिहिले की, महाराष्ट्रातील बोरिवली रेल्वे स्थानकावर चालत्या ट्रेनमधून खाली उतरताना एक महिला पडली. तेथे उपस्थित रेल्वे सुरक्षा कर्मचाऱ्यांनी तत्परता दाखवत तिला वाचवलं. कृपया चालत्या ट्रेनमध्ये चढण्याचा किंवा उतरण्याचा प्रयत्न करू नका.
पोलिस कर्मचाऱ्याच्या प्रसंगावधान आणि शौर्याचे सोशल मीडियावर खूप कौतुक होत आहे. एका वापरकर्त्याने लिहिले की, हे छान काम! या पोलिसाचा सन्मान झाला पाहिजे. तर दुसऱ्याने सांगितले की, अशा समर्पित अधिकाऱ्यांचे शौर्य वाखाणण्याजोगे आहे. त्यामुळेच सर्वसामान्य नागरिकांना सुरक्षिततेची भावना आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा