Nagpur Crime News : नागपुरात जागेच्या वादातून एका तरुणासोबत भयंकर घडलं असून या प्रकरणानंतर शहरात खळबळ माजली आहे. पोलीस याप्रकरणात पुढील तपास करत आहेत.
Delhi Airport : विमानतळावर मोठा आवाज, धावाधाव सुरू; समोरील दृश्य पाहून सर्वच हादरले…. महिला पोलिसाचं भयंकर कृत्यफूटपाथवरील जागेवरुन दोघांमध्ये वाद
हत्येची ही घटना अंबाझरी पोलीस ठाण्याच्या रामनगर चौकात भरदिवसा घडली. मृत ३७ वर्षीय विशाल निकोसे हा पांढराबोडी येथील रहिवासी आहे. तर आरोपींमध्ये किशन रमेश तिवारी आणि त्याचा मित्र निलेश सरोदे यांचा समावेश आहे. मृत विशाल हा गेल्या १८ वर्षांपासून रामनगर येथील फूटपाथवर गॅरेज चालवत होता, तर आरोपी किशन तिवारी हा गेल्या ७ वर्षांपासून त्याच्या शेजारी भाजीचं दुकान चालवत होता.
Pune Crime : घरात वाद झाला, संतापाच्या भरात तरुणाने १३ वाहनं पेटवली; मध्यरात्री पुण्यात थरार
लोखंडी रॉडने तरुणावर हल्ला
गेल्या वर्षभरापासून दोघांचाही जागेवरून वाद सुरू होता. शुक्रवारी दुपारीही त्यांच्यात वाद झाला आणि याच वादातून किशनने त्याचा मित्र नीलेश याच्यासोबत मिळून लोखंडी रॉडने विशालवर हल्ला केला. यात विशालच्या डोक्याला गंभीर दुखापत झाली. विशाल घटनास्थळी रक्तबंबाळ झाला आणि यातच त्याचा जागीच मृत्यू झाला.
Nagpur News : जागेच्या वादातून तरुणाला संपवलं, भररत्यात दिवसाढवळ्या भयंकर कृत्य; नागपूर हादरलं
या घटनेनंतर रामनगर चौकात एकच खळबळ उडाली असून आरोपींनी घटनास्थळावरून पळ काढला. घटनेची माहिती मिळताच अंबाझरी पोलिसांचं पथक आपल्या फौजफाट्यासह घटनास्थळी पोहोचलं आणि त्यांनी विशालला उपचारासाठी रुग्णालयात नेलं. मात्र तेथे तपासादरम्यान डॉक्टरांनी त्याला मृत घोषित केलं. या हत्येत सहभागी असलेल्या किशन तिवारीला पोलिसांनी ताब्यात घेतलं असून त्याच्या साथीदाराचा शोध सुरू आहे. या घटनेनंतर रामनगर परिसरात भीतीचं वातावरण पसरलं आहे. भरदिवसा घडलेल्या या घटनेने नागरिकांमध्ये असुरक्षिततेची भावना निर्माण झाली आहे. पोलिसांनी नागरिकांना शांतता राखण्याचं आवाहन केलं असून, या प्रकरणाचा सखोल तपास सुरू आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा