नेमकं काय घडलं?

पुण्यातील इंगळेनगर परिसरात २७ वर्षीय तरुणाने इमारती खालील १३ वाहनांना आग लावली. तरुणासोबत कुटुंबाचा वाद झाला होता. त्यानंतर त्या रागात त्याने सोसायटीच्या पार्किंगमध्ये उभ्या असलेल्या वाहनांना आग लावली. याप्रकरणी एका व्यक्तीने तक्रार दाखल केली होती. त्यानंतर तरुणाविरोधात पोलिसांनी गुन्हा दाखल केला आहे.
Delhi Airport : विमानतळावर मोठा आवाज, धावाधाव सुरू; समोरील दृश्य पाहून सर्वच हादरले…. महिला पोलिसाचं भयंकर कृत्य
पोलिसांनी दिलेल्या माहितीनुसार, तरुणाचं सतत त्याच्या आई-वडिलांसोबत भांडण होत होतं. तो दारुच्या नशेत असायचा. सोसायटीतील रहिवाशांनी तसंच त्याच्या पालकांनी त्याला नशा मुक्ती केंद्रात दाखल केलं होतं. पण घटनेच्या रात्री त्याचा पालकांशी वाद झाला आणि त्याने रागात सर्व वाहनांना आग लावली.
Beed News : आमदार सुरेश धस यांचा खोक्याबाबतचा दावा ठरला खोटा, वेगळीच माहिती समोर; जाणून घ्या
नशेच्या आहारी गेलेला आरोपी त्याच्या आई, वडील आणि भावाला त्रास देतो, अशी माहिती पोलिसांनी दिली आहे. ज्या व्यक्तीने तक्रार दिली त्याने आणि इमारतीतील इतर रहिवाशांनी त्या कुटुंबाची मदत केली आणि आरोपीला नशा मुक्ती केंद्रात पाठवलं होतं. पण घटनेच्या रात्री आरोपीचा घरी वाद झाला आणि त्याने मध्य रात्री साडे तीन वाजता आपल्या आई आणि भावाच्या दुचाकीला आग लागली. त्या दोन वाहनांना लागलेली आग पसरली आणि इतर ११ वाहनं देखील आगीच्या विळख्यात आली. या घटनेनंतर सोसायटीमध्ये भीतीचं वातावरण निर्माण झालं आहे. आगीवर वेळीच नियंत्रण मिळवलं नसतं, तर मोठी दुर्घटना घडू शकली असती, असं नागरिकांनी सांगितलं आहे. पोलीस या प्रकरणाचा पुढील तपास करत आहेत.

पोलिसांनी आरोपीवर भारतीय न्याय संहितेच्या (BNS) कलम ३२६ (दुखापत, पूर, आग किंवा स्फोटक पदार्थाद्वारे कृत्य) अंतर्गत गुन्हा दाखल केला आहे. मात्र तरुणाला या प्रकरणात अद्याप अटक करण्यात आली नसल्याची माहिती पोलिसांनी दिली आहे.