satish bhosale Video : सुरेश धस यांचा जवळचा कार्यकर्ता सतीश भोसलेच्या क्रूर मारहाणीचे व्हिडीओ व्हायरल झाली आहेत. तक्रारीनंतर अखेर भोसले याच्यावर गुन्हा दाखल झालाय. मात्र, तो अजूनही फरार आहे. पोलिस त्याचा शोध घेत आहेत. आता सध्या सतीश भोसले याचे अजून काही कारनामे पुढे येताना दिसत आहेत.
दिलीप ढाकणे, महेश ढाकणे यांना क्रूरपणे मारहाण करताना सतीश भोसले व्हिडीओमध्ये यापूर्वी दिसला. तोच सतीश भोसले गाडीवर चढून चक्क पैशांची उधळण करताना दिसत आहे. हा व्हिडीओ नेमका कुठलचा आहे, हे कळू शकले नाहीये. मात्र, तो नोटा उधळताना दिसत आहे. शिरूर कासार तालुक्यामधील बावी येथे १९ फेब्रुवारी रोजी हरणाची शिकार करण्यास जाळी लावली होती. दीपक ढाकणेच्या वडिलांनी शिकारीस अडथळा केल्यामुळे सतीश भोसले आणि त्यांच्या साथीदारांनी बावी येथील या पिता-पुत्रास मारहाण केली. दीपकला बॅटने अमानुष मारहाण केली आणि महेश ढाकणे यांचे तब्बल सात ते आठ दात पाडले.
Pankaja Munde : धनंजय मुंडे यांच्या राजीनाम्यानंतर पंकजा मुंडे पहिल्यांदाच भावाच्या भेटीलायाबद्दल बोलताना हा व्हिडीओ जुना असल्याचा दावा हा सुरेश धस यांनी केला. आता सतीश भोसले याचे अनेक व्हिडीओ पुढे येताना दिसत आहेत. पोलिसांनी गुन्हा दाखल केल्यानंतर सतीश भोसले याच्या शोधासाठी दोन पथके तयार करण्यात आली. मात्र, तो अजूनही फरार आहे. सुरेश धस यांच्या आर्शिवादानेच हा सतीश भोसले सर्व चुकीचे काम करत असल्याचे सांगितले जात आहे. सुरेश धस आणि सतीश भोसले यांचे अनेक फोटो व्हायरल झाली आहेत.
हेच नाही तर सतिश भोसले हा सुरेश धस यांनाच आपला बॉस मानतो. या प्रकरणावर अंजली दमानिया या चांगल्याच आक्रमक होताना दिसत आहेत. त्यांनी एक पोस्ट सोशल मीडियावर शेअर केली. दुसरीकडे सुरेश धस यांनी मान्य केले की, सतिश भोसले याला मी ओळखतो आणि तो कधी कधी माझ्याकडे येतो. पण तो माझ्या मागे काय करतो हे थोडी मला माहिती. सतीश भोसले याच्या व्हायरल होणाऱ्या फोटोनंतर त्याच्यावर टीका केली जात आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा