Pankaja Munde Get Anry: जालन्यात एका तरुणाला अमानुष मारहाण करुन त्याचे व्हिडिओ व्हायरल करण्यात आले. यावरुन पंकजा मुंडे यांनी विधिमंडळात तीव्र शब्दात संताप व्यक्त केला आहे.
पीडित तरुणाच्या पालकांना भेटले – पंकजा मुंडे
जालन्यातील व्हायरल रीलसंबंधी पंकजा मुंडे यांनी विधानपरिषदेत माहिती दिली आहे. संबंधित तरुणाच्या पालकांना मी भेटले असून या प्रकरणी मोक्काअंतर्गत कारवाई होईल, अशी माहिती त्यांनी दिली. तसेच, सध्या मारहाण करुन रील्स बनवले जात आहेत, लोकांना माज आला आहे, असं म्हणत त्यांनी संतापही व्यक्त केला आहे.
नेमकं प्रकरण काय?
जालना येथील भोकरदन येथील अनवा गावात जुन्या वादातून एका व्यक्तीला मारहाण करत त्याला लोखंडी सळईने चटके दिल्याची घटना समोर आली आहे. या प्रकरणी पोलिसांनी उद्धव ठाकरे गटाच्या तालुकाध्यक्षाच्या भावाला अटक केली आहे. भागवत गौड असं अटक केलेल्या व्यक्तीचं नाव आहे. तालुकाध्यक्ष नवनाथ गौड यांच्या सांगण्यावरुनच भागवत गौडने पीडिता व्यक्तीला जबर मारहाण केल्याची माहिती आहे. विधानपरिषदेत हा प्रश्न उपस्थित झाल्यानंतर पंकजा मुंडे यांनी याबाबत माहिती दिली.
तर, शिरुर येथील कासारमधील व्यक्तीला अमानुष मारहाण करुन त्याचे व्हिडिओ व्हायरल करण्यात आले होते. त्यासंदर्भात पालकमंत्री अजित पवार यांच्याशी बोलेन असंही पंकजा मुंडे म्हणाल्या. तसेच, पोलीस अधिक्षक यांना देखील सूचना देईल, असंही पंकजा मुंडे यांनी सांगितलं आहे.
धनंजय मुंडेंबाबतच्या प्रश्नावर पंकजा मुंडेंचं उत्तर
तर, धनंजय मुंडेंबाबतच्या प्रश्नावर उत्तर देताना पंकजा मुंडे म्हणाल्या की, मी तुमच्या समोर त्यांना सल्ला का देऊ, तुम्हाला सांगून का देऊ.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा