सरकारच्या वतीने उपजिल्हाधिकारी सचिन इथापे, अपर पोलिस अधीक्षक विजय कवाडे, उपविभागीय पोलिस अधिकारी प्रशांत डगळे, तहसीलदार सचिन लंगोटे यांनी आंदोलनस्थळी भेट देऊन कृषिमंत्री दत्तात्रय भरणे आणि सहकारमंत्री बाबासाहेब पाटील यांचा आमदार रोहित पवार यांच्याशी फोनवर संपर्क घडवून आणला. या वेळी पुढील दोन-तीन दिवसांत बैठक घेण्याचे आश्वासन त्यांनी दिले असून, या संदर्भात त्यांची मुख्यमंत्री देवेंद्र फडणवीस यांच्याशी चर्चा झाल्याचेही सांगितले.

‘कर्जमाफीचा निर्णय घेताना टाकलेल्या या अटी-शर्तींमुळे शेतकऱ्यांमध्ये किती संताप आहे याची जाणीव कदाचित सरकारला झालेली दिसत नाही. परंतु शेतकऱ्यांमध्ये या विषयी प्रचंड रोष असून, या अटी-शर्तींमुळे बहुतांश शेतकरी कर्जमाफीपासून वंचित राहणार आहेत. त्यामुळे अटी-शर्ती रद्द केल्याशिवाय किंवा तसे आश्वासन दिल्याशिवाय माघार नाही,’ असे आमदार रोहित पवार यांनी त्यांना स्पष्ट शब्दांत सांगितले.

काँग्रेसचा पाठिंबा
कर्जमाफीसाठी रोहित पवार यांनी पंढरपूर येथे सुरू केलेल्या उपोषणाला काँग्रेसने पाठिंबा दर्शवला आहे. काँग्रेस प्रदेशाध्यक्ष हर्षवर्धन सपकाळ यांनी आपणही पंढरपूर येथे जाऊन उपोषण करणार असल्याचे शनिवारी जाहीर केले.

Solapur News : शेअर मार्केटमध्ये तोटा, मुख्याध्यापकाने बायकोसह लेकरांचा जीव घेतला अन् स्वत:ला संपवलं
आंदोलन निव्वळ राजकीय स्टंटबाजी : गोरे
रोहित पवार यांना असे आंदोलन करण्याची गरज काय होती? हे निव्वळ राजकीय स्टंटबाजी करण्यासाठी केलेले आंदोलन आहे. मी काय करतोय हे दाखवण्यासाठी त्यांनी हा स्टंट केला आहे,’ असा आरोप सोलापूरचे पालकमंत्री जयकुमार गोरे यांनी केला. ‘सरकारने राज्यातील शेतकऱ्यांची कर्जमाफी केली आहे. त्यामुळे शेतकरी सरकारचे आभार मानत आहेत. ३० जूनपूर्वी या निर्णयाची अंमलबजावणी होणार आहे. मात्र, ही कर्जमाफी आमच्यामुळे झाली असे भासवण्यासाठी आंदोलन करण्यात आले आहे. पात्र आणि अपात्र शेतकऱ्यांमध्ये वाद निर्माण करून राजकीय पोळी भाजण्यापलीकडे या आंदोलनाचा दुसरा उद्देश नाही,’ अशीही टीका गोरे यांनी केली.