चार दिवसांपूर्वी दापोरी मतदारसंघाच्या दौऱ्यावर असलेले शिवसेनेचे नेते माजी पर्यावरण मंत्री रामदास भाई कदम यांची मंडणगड येथील रामदास कदम यांच्या फार्म हाऊसवरही माजी आमदार संजय कदम यांनी भेट घेतल्याची चर्चा आहे. काही दिवसांपूर्वी शिवसेना ठाकरे गटाचे माजी आमदार राजन साळवी यांनी पक्षाला सोडचिठ्ठी देत शिवसेना शिंदे गटात प्रवेश केला होता. आता पुन्हा कोकणात ठाकरेंना मोठा धक्का बसणार आहे.
Pankaja Munde: लोकांना माज आलाय, मारहाणीच्या रील्सवर पंकजा मुंडे संतापल्या, धनंजय मुंडेंबाबतच्या प्रश्नावर म्हणाल्या…
दापोली विधानसभा मतदारसंघाचे उद्धव ठाकरे गटाचे माजी आमदार संजय कदम हे शिवसेना शिंदे गटाच्या वाटेवर असल्याची चर्चा सुरु आहे. शिवसेनेचे ज्येष्ठ नेते रामदास कदम आणि संजय कदम यांची मुंबईत बैठक झाली. या बैठकीत संजय कदम यांची पक्षांतराची भूमिका ठरल्याची माहिती मिळत आहे .

सूत्रांकडून मिळालेल्या माहितीनुसार, उपमुख्यमंत्री एकनाथ शिंदे यांच्या उपस्थितीत संजय कदम यांचा मुंबईत लवकरच पक्ष प्रवेशाचा कार्यक्रम होणार आहे. रामदास कदम यांच्या पालखी बंगल्यावर संजय कदम आणि रामदास कदम यांचे एकत्रित स्नेहभोजन झाल्याची माहिती सूत्रांनी दिली आहे.

संजय कदम हे दापोली विधानसभा मतदार संघाचे उद्धव गटाचे पराभूत उमेदवार आहेत. दापोली विधानसभा मतदारसंघात शिवसेना शिंदे गटाकडून योगेश कदम यांना उमेदवारी देण्यात आली होती, त्यांनी मोठा विजय मिळवला होता. तर शिवसेना ठाकरे गटाच्या संजय कदम यांचा पराभव झाला होता. त्यामुळे आता रामदास कदम व संजय कदम यांच्यातील वाद मिटण्याची शक्यता असून हा पक्षप्रवेश कधी होणार हे अद्याप कळू शकलेल नाही