हे आहेत पोलीस कर्मचारी चंद्रशेखर सुरंगे… किडनी स्टोनसाठी उपचार घेत असलेल्या चंद्रशेखर यांची एका खाजगी रुग्णालयात नोव्हेंबर २०२३ मध्ये शस्त्रक्रिया झाली होती. मात्र, उपचारानंतरही त्यांना त्रास सुरू राहिला… तपासणी करताच त्यांची एक किडनी निकामी झाल्याचे निदान झालंय. उपचारासाठी रुग्णालयात वारंवार ये-जा करणारे चंद्रशेखर जाब विचारण्यासाठी पुन्हा रुग्णालयात आले… पण तुम्ही आमच्या रुग्णालयात उपचार घेतले नाहीत असा दावा उपचार घेतलेल्या खाजगी रुग्णालयातील कर्मचाऱ्यांनी सांगितलंय. यानंतर संतप्त झालेल्या सुरंगे यांनी पत्नी व लेकरांसह संबंधित रुग्णालयातच अर्धनग्न होऊन आंदोलन केलं. डॉक्टरांनी माझ्यावर चुकीचे उपचार केल्याने माझी किडनी निकामी झाल्याचा आरोप सुरंग यांनी केलाय….