Nashik ZP: २०२५-२६ या आर्थिक वर्षात विविध मार्गाने येणार्या करापोटी ४१ कोटी रुपये जमा होणे अपेक्षित आहे. त्याआधारे अर्थसंकल्पीय अंदाजपत्रक ६० कोटी ८३ लाख रुपयांवर पोहोचले आहे.
जिल्हा परिषदेच्या मुख्य कार्यकारी अधिकारी आशिमा मित्तल यांच्या अध्यक्षतेखाली हा अर्थसंकल्प मंजूर करण्यात आला. २०२४-२५ मध्ये ४० कोटी ८५ लाख रुपये जमा होणे अपेक्षित होते. प्रत्यक्षात ७८ कोटी रुपये जमा झाले. तसेच ५९ कोटी रुपये खर्च अपेक्षित असतांना प्रत्यक्षात ६८ कोटींचा खर्च झाला. २०२५-२६ या आर्थिक वर्षात विविध मार्गाने येणार्या करापोटी ४१ कोटी रुपये जमा होणे अपेक्षित आहे. त्याआधारे अर्थसंकल्पीय अंदाजपत्रक ६० कोटी ८३ लाख रुपयांवर पोहोचले आहे.
माणिकराव कोकाटेंचा आज फैसला! धनंजय मुंडेंच्या राजीनाम्यानंतर दबाव वाढला, काय निर्णय येणार?
यंदाच्या अर्थसंकल्पात मागासवर्गीय महिलांना शिलाई मशीनचे वाटप करण्याचे नियोजन करण्यात आले आहे. त्याचबरोबर विद्यार्थांना स्पर्धा परीक्षांचे मार्गदर्शन देण्याचे नियोजन असून, कुपोषणमुक्तीसाठीही प्रयत्न केले जाणार आहेत. तसेच सिंहस्थाच्या पार्श्वभूमीवर ग्रामीण भागातील पर्यटनस्थळांचा विकास करण्याचेही नियोजन आहे. यावेळी अतिरिक्त मुख्य कार्यकारी अधिकारी डॉ. अर्जुन गुंडे, ग्रामीण विकास यंत्रणेच्या प्रकल्प संचालक प्रतिभा संगमनेरे, उप मुख्यकार्यकारी अधिकारी रवींद्र परेदशी, वर्षा फडोळ, दीपक पाटील, प्रताप पाटील, प्रवीण पाटील, डॉ. नितीन बच्छाव यांच्यासह सर्व विभागप्रमुख उपस्थित होते.
आदिवासी विद्यार्थिनींना रात्रभर वसतिगृहात डांबले; आदिवासी विकासमंत्र्यांच्या यवतमाळातील धक्कादायक प्रकार
अर्थसंकल्पातील ठळक बाबी
■ कुपोषणमुक्तीसाठी पोषण आहाराचे वाटप
■ ग्रामीण भागात फिरते पशुवैद्यकीय दवाखाने
■ दिव्यांग बांधवांसाठी रोजगार मेळाव्याचे आयोजन
■ आत्महत्याग्रस्त शेतकऱ्यांच्या कुटुंबीयांना ५० हजारांपर्यंत शेती साहित्याची मदत
■ अनुदानीत वसतिगृहांना विशेष मदत
■ किलबील मेळाव्याच्या माध्यमातून कुपोषप्रश्नी प्रशिक्षण
■ दिव्यांग बांधवांसाठी स्वतंत्र अॅप विकसित करणार
■ ई-पशुधन अॅपच्या माध्यमातून पशुवैद्यकीय दवाखान्यांचा कायापालट
■ जिल्हा परिषद कर्मचाऱ्यांना एआय प्रशिक्षण
संशयाने संसाराची राखरांगोळी! पतीने गरोदर पत्नीला निर्घृणपणे संपवलं, नंतर गोदापात्रात फेकला मृतदेह, नाशिकमधील घटना
जिल्हा परिषदेच्या मागील अर्थसंकल्पातील योजनांमधील निधींमध्ये यंदा वाढ करण्यात आली असून, या योजना अधिक प्रभावीपणे राबविण्यात येतील. यंदाच्या अर्थसंकल्पातून शिक्षण, कृषी, महिला विकासावर भर देण्यात आला आहे. विद्यार्थ्यांना स्पर्धा परीक्षांचे मार्गदर्शन, प्रकल्प भेटीचे नियोजन करण्यात येणार आहे. –आशिमा मित्तल, मुख्य कार्यकारी अधिकारी, जिल्हा परिषद
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा