शहादा तालुक्यातील तोरखेडा गावच्या शाळकरी मुलांना सोमवारी सकाळी सात वाजता चालक नेहमीप्रमाणे टाटा मॅजिक (क्र.एम. एच.४१ व्ही.००१४)ने घेऊन जात असताना तोरखेडा फाट्याच्या पुढे असलेल्या एका नाल्याजवळ मागून भरधाव वेगाने येणाऱ्या आयशरने जोरदार धडक दिली. या अपघातात शिरपूर येथील इंजीनियरिंग महाविद्यालयात शिकत असलेल्या प्रशांत भगवान घोरपडे (वय २३) रा. तोरखेडा याचा मृत्यू झाला आहे. आयशरच्या चाकाखाली आल्याने त्याचा जागीच मृत्यू झाला.
Latur News : अचानक समोर आलेल्या दुचाकीला वाचवण्याच्या नादात बस उलटली, काळजाचा ठोका चुकवणारा VIDEO, प्रवाशांचं काय?
तर अपघातात करुणेश प्रकाश पाटील (वय ९), हितेश पंकज चौधरी (वय ९), कशिश कुंभार (वय ९), हर्षल दिनेश वाडीले (वय १२), हर्ष दीपक कुंभार (वय १०), यश दिनेश आभाळे (वय ११), उन्नती परेश ईशी (वय ७) हे सात विद्यार्थी जखमी झाले आहेत. मात्र अपघातानंतर चालक फरार झाला. जखमी विद्यार्थ्यांना शिरपूर येथील रुग्णालयात उपचारासाठी दाखल करण्यात आले आहे. अपघाताची माहिती मिळताच विद्यार्थ्यांचे पालक व गावकरी घटनास्थळी पोहोचले. नातेवाईकांनी रोष व्यक्त केल्यानंतर सारंगखेडा पोलीस ठाण्यात गुन्हा दाखल करण्यात आला आहे.

शहादा-शिरपूर रस्त्याची मोठी दुरावस्था झाल्याने. या रस्त्यावर अलीकडे अनेक अपघात घडत आहेत. सोमवारी घडलेल्या या अपघातामुळे शहादा शिरपूर रस्त्याच्या दोघेही बाजूने तीन किलोमीटरच्या अंतरावर वाहनांच्या रांगाच रांगा लागल्या होत्या.