दत्ता गाडे हा पुणे जिल्ह्यातील शिरुर तालुक्यातील गुणाट या गावाचा रहिवासी. शेतकरी कुटुंबातील तरुण. पण घरी शेती असूनही तो कधी लक्ष घालत नव्हता. त्याचे घरातील मंडळींसोबत कधीही पटत नव्हते. तो बाहेर फिरत असायचा. ज्यावेळी हा प्रकार घडला त्यावेळी पोलिसांनी थेट त्याच्या घरी येऊन सर्व माहिती घेतली होती. इतकंच काय दोघांमध्ये साम्य असलेल्या त्याच्या भावालाच दत्ता गाडे म्हणून पकडले होते. पण शहानिशा केल्यानंतर त्याला सोडून दिले.
Pune Crime : स्वारगेट डेपो अत्याचार प्रकरणात ट्विस्ट, सहमतीने संबंध, पैशांवरुन वाद झाल्यामुळे आरोप, रुपाली पाटलांचा दावा
दत्ता गाडे ज्यावेळी पोलिसांच्या रडारवर आला, त्यावेळी त्याची संपूर्ण कुंडलीच समोर आली आहे. गाडे हा श्रीगोंदा, दौंड, स्वारगेट, अहिल्यानगर भागातील बस स्थानक, रेल्वे स्थानक येथेही यापूर्वी फिरल्याचे स्पष्ट झाले आहे.

गाडे याने यापूर्वी देखील महिलेचा विनायभंग केल्याचे तपासात समोर आले आहे. तसेच त्याने पैसे कामावण्यासाठी समलैंगिक संबंध ठेवले असल्याची माहिती देखील तपासात समोर आली आहे. दत्ता गाडे हा महिलांना टार्गेट करून आपले सावज बनवत होता. दागिने लुबाडणे, गाडीत बसवून अज्ञातस्थळी नेऊन महिलांचे दागिने काढून घेणे असे प्रकार तो करत होता. मात्र या बलात्काराच्या घटनेने दत्ता गाडेसारख्या प्रवृत्ती समोर आल्या. त्यामुळे पुढे होणाऱ्या अनेक घटनांना जरब बसणार आहे.
Pune Crime : गाडे आक्रमक, गळा दाबण्याची धमकी, तरुणीला ‘कोलकाता केस’ आठवली; म्हणाली, दादा मला जीवे मारु नका
दरम्यान, ‘वाट पाहीन पण एसटीनेच जाईन’ हा महिला व मुलीच्या मनातील लाल परीबद्दलचा विश्वास आता डळमळू लागला आहे. स्वारगेट बस डेपोमध्ये तरुणीवर झालेल्या अत्याचाराच्या घटनेनंतर महिला, मुलींसाठी रात्रीचा प्रवास सुरक्षित राहिला आहे का, असाही प्रश्न उपस्थित केला जात आहे. सार्वजनिक वाहतूक व्यवस्था ही सर्वसामान्यांसाठी सोयीची, आडवाटेवरच्या गावांपर्यंत सुखरूप नेणारी असते. हा प्रवास आता सुरक्षित वाटत नाही, अशी खंत विविध स्तरांतील महिला तसेच मुलींनी ‘मटा’कडे व्यक्त केली.