Sudha Dwivedi Record Break fine : मुख्य तिकीट तपासनीस सुधा द्विवेदी यांनी २८ फेब्रुवारी रोजी तिकीट तपासणी सुरू केली. सकाळी ६.४८ वाजता खारघर येथून सुरू केलेली तपासणी ३.३० पर्यंत सुरू ठेवली.
मुख्य तिकीट तपासनीस सुधा द्विवेदी यांनी २८ फेब्रुवारी रोजी तिकीट तपासणी सुरू केली. सकाळी ६.४८ वाजता खारघर येथून सुरू केलेली तपासणी ३.३० पर्यंत सुरू ठेवली. सरासरी दर दोन मिनिटांनी एका प्रवाशाची तिकीट तपासणी त्यांनी केली. २०२ विनातिकीट प्रवाशांवर कारवाई करीत त्यांनी ५५,२१० रुपयांचा दंड वसूल केला. द्विवेदी यांच्या कामगिरीची दखल घेत त्यांना ‘अतिविशिष्ट रेल सेवा पुरस्कार’ २०२४ ने सन्मानित करण्यात आले आहे.
गेल्या वर्षात ३२.२५ लाखांचा दंड
गेल्या आर्थिक वर्षात द्विवेदी यांनी ९५०१ प्रकरणांतील दोषींकडून ३२.२५ लाखांचा दंड वसूल केला. तिकीट तपासनीसांसाठी प्रति दिवसाचे लक्ष्य साधारण २० ते २५ प्रवासी आहे. द्विवेदी रोज ४० ते ७० दरम्यान विनातिकीट प्रवाशांना दंड ठोठावतात. त्यांच्या कार्याची दखल मध्य रेल्वे प्रशासनाने घेतली आहे.
‘तिकीट तपासनीस म्हणून कर्तव्य बजावताना तहान-भूक हरपून काम करते. अनेकदा एकाच वेळी तिकीट नसलेल्या प्रवाशांचा घोळका समोर येतो. यामुळे असे प्रवासी पकडण्याची संख्या वाढण्यास मदत होते’, असे सुधा द्विवेदी यांनी सांगितले.
Pune Crime : गाडे आक्रमक, गळा दाबण्याची धमकी, तरुणीला ‘कोलकाता केस’ आठवली; म्हणाली, दादा मला जीवे मारु नका
प्रवाशांकडूनही मदत
रेल्वेतील नियमित प्रवाशांनी माझा मोबाइल क्रमांक घेतला आहे. विनातिकीट प्रवासी असलेल्या लोकलची माहिती प्रवाशांकडून दिली जाते. अशा प्रवाशांवर कारवाई करण्याची विनंती तिकीट-पासधारक प्रवाशांकडून केली जाते. विशेष :सायंकाळी गर्दीच्या वेळी ही विनंती अधिक असते, असे सुधा द्विवेदी यांनी सांगितले.
दुसरीकडे, प्रवाशांना आल्हाददायक प्रवासाचा अनुभव देणाऱ्या वातानुकूलित लोकलमध्ये विनातिकीट प्रवाशांची संख्या वाढत आहे. फुकट्या प्रवाशांना आळा घालण्यासाठी पश्चिम रेल्वेच्या तिकीट तपासणीसांनी विशेष तपासणी हाती घेतली आहे. गेल्या दहा महिन्यांत तब्बल ५१,६०० फुकट्या प्रवाशांवर कारवाई करीत १.७२ कोटी रुपयांचा दंड वसूल करण्यात आला आहे.
Devendra Fadnavis : रक्षा खडसेंच्या लेकीची छेड, कारवाई टाळण्याबाबत बड्या नेत्याचा फोन? फडणवीस म्हणाले…
पश्चिम रेल्वेच्या मुंबई विभागात रोज १.२६ लाखांहून अधिक प्रवासी एसी लोकलमधून प्रवास करतात. लोकलमधील गर्दी कमी करणे आणि विनातिकीट प्रवाशांवर अंकुश ठेवण्यासाठी रेल्वेने विशेष मोहीम राबवली. एप्रिल २०२४ ते जानेवारी २०२५ या कालावधीत एसी लोकलमधील ५१,६०० विनातिकीट प्रवाशांना पकडण्यात आले. दोषींकडून १.७२ कोटी रुपये दंड स्वरूपात वसूल करण्यात आला.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा