उन्हाळी वेळापत्रकात नागपूरला तीन नवीन उड्डाणांची भेट मिळणार आहे. मार्च महिन्यात रनवेचे री-कार्पेटिंगचे काम पूर्ण होण्याची शक्यता आहे. त्यानंतर सकाळी १० ते सायंकाळी ६ वाजतापर्यंत विमान चालवण्यावरचे निर्बंध हटविण्यात येतील. त्यामुळे येथून इतर स्थळी जाणाऱ्या विमानांच्या वेळेतही बदल करण्यात येणार आहेत. लवकरच एअरलाइन्स नवीन गंतव्यस्थान आणि वेळेनुसार तिकिटांची विक्री सुरू करणार आहेत. यासंदर्भात डीजीसीए, एएआय, मिहान इंडिया लिमिटेड, नागपूर विमानळ आणि विविध एअरलाइन्स कंपन्यांची बैठक झाली. या बैठकीमध्ये ३० मार्च ते २५ ऑक्टोबर २०२५ असे उन्हाळी वेळापत्रक जाहीर करण्यात आले. यामध्ये नागपूरहून जयपूर, नोएडा आणि कोल्हापूरसाठी विमानसेवा सुरू करण्यात आली आहे.
स्वारगेट अत्याचारप्रकरणी पोलिसांच्या हाती मोठा पुरावा; पीडितेने डेपोत कोणाला सांगितलेली आपबिती?
अनेक वर्षांची मागणी
अनेक वर्षांपासून नागपूर-जयपूर विमानसेवा सुरू करण्याची मागणी होती. या पार्श्वभूमीवर इंडिगोचे फ्लाइट क्रमांक ६४१६ हे विमान ३० एप्रिलपासून दररोज रात्री ११.०५ वाजता जयपूरहून नागपूरला पोहोचेल आणि फ्लाइट क्रमांक ६४११ हे विमान नागपूरहून जयपूरसाठी सकाळी ७.२० वाजता निघेल. स्टार एअर नागपूर ते कोल्हापूर विमानसेवा सुरू करणार आहे. स्टार एअरचे फ्लाइट क्रमांक २५० दररोज दुपारी ३.४५ वाजता नागपूर विमानतळावर पोहोचेल आणि फ्लाइट क्रमांक २५१ कोल्हापूरसाठी ४.१५ वाजता निघेल. ही सेवा १ एप्रिलपासून सुरू होईल. तर नोएडा ते नागपूर विमानाचे वेळापत्रक ३० मार्चपासून सुरू होत आहे. इंडिगोचे फ्लाइट क्रमांक २५१८ हे विमान नोएडाहून दुपारी ४ वाजता नागपूर विमानतळावर पोहोचेल. अर्ध्या तासानंतर ४.३० वाजता फ्लाइट क्रमांक २५१९ नोएडासाठी नागपूरहून उड्डाण भरेल.
दिल्लीत १ एप्रिलपासून ‘या’ वाहनांना ना पेट्रोल मिळणार, ना डिझेल; प्रदूषण रोखण्यासाठी सरकारचा मोठा निर्णय
इतर विमानांच्या वेळेत बदल
उन्हाळी वेळापत्रकानुसार नागपूरहून येणाऱ्या इतर विमानांच्या वेळेत बदल होणार आहेत. २६ जुलैपासून इंडिगोचे फ्लाइट क्रमांक ७३३६ हे विमान इंदूरहून दररोज दुपारी १२.१० वाजता नागपूरला पोहोचेल. फ्लाइट क्रमांक ७३३७ दुपारी १२.३५ वाजता इंदूरला परतेल. ३० जुलैपासून आठवड्यातून एकदा बुधवारी इंडिगोची फ्लाइट ६१३९ कोलकाताहून नागपूरला पोहोचेल आणि फ्लाइट क्रमांक २३८० येथून दुपारी १२.४५ वाजता दिल्लीला जाईल. १ एप्रिलपासून स्टार एअरचे २४५५ विमान पुण्याहून दररोज दुपारी १.०५ वाजता नागपूरला पोहोचेल. तर २४६ क्रमांकाचे विमान नागपूरहून किशनगडसाठी दुपारी १.३० वाजता उड्डाण भरेल.
वाल्मिक कराडच संतोष देशमुखांच्या हत्येचा सूत्रधार; ‘सीआयडी’च्या आरोपपत्रात नेमकं काय? १७०हून अधिक जबाब
१ एप्रिलपासून इंडिगोचे फ्लाइट क्रमांक ६४५५ हे विमान बेंगळुरूहून दररोज दुपारी २.२० वाजता नागपूरला पोहोचेल. तर फ्लाइट क्रमांक ६४५६ दुपारी २.५५ वाजता बेंगळुरूला परतेल. १ एप्रिलपासून इंडिगोचे फ्लाइट क्रमांक २४८१ हे विमान रविवार ते शुक्रवार दुपारी ३.१० वाजता पुण्याहून नागपूरला पोहोचेल. त्याचप्रमाणे फ्लाइट क्रमांक २०२ पुण्यासाठी दुपारी ३.३५ वाजता उड्डाण भरेल.