या प्रकारामुळे त्या बाळाची प्रकृती बिघडल्याने त्याला नातेवाइकांनी सिमोरीवरून हतरू प्राथमिक आरोग्यकेंद्र येथे आणले. त्यानंतर हतरू येथून अचलपूरला आणि नंतर अमरावती येथील डफरीन रुग्णालयात उपचारार्थ
बाळाला दाखल करण्यात आले. सिमोरी गावातील रहिवाशी बेबी ऊर्फ फुलवंती राजू धिकार यांना २२ दिवसांचे बाळ आहे. सदर बाळ हे आजारी पडल्याने नातेवाइकांनी त्या बाळाच्या पोटावर विळा गरम करून अक्षरशः ६५ वेळ चटके दिले.

जिल्हा स्त्री रुग्णालय येथील डॉक्टरांनी दिलेल्या माहितीनुसार, हे बाळ २२ दिवसांचे आहे. त्याला श्वास घेण्यास त्रास होत आहे. त्यामुळे अमरावती जिल्हा स्त्री रुग्णालयात फॅसिलिटी नसल्याने त्याला नागपूरला रेफर केले जाऊ शकते. मेळघाटमधील त्या बाळाला श्वास घेण्यास त्रास होत असल्याने त्याला अमरावतीला आणण्यात आले होते. अवघ्या २२ दिवसांच्या बाळाला श्वास घेण्यास त्रास होत असल्याने त्याच्या कुटुंब सदस्यांनी पोटाला चटके दिले. परंतु बाळाची प्रकृती अधिक बिघडल्याने त्याला रुग्णालयात आणण्यात आले.

आधी हतरू येथून अचलपूरला आणि नंतर अमरावती येथील डफरीन रुग्णालयात उपचारार्थ बाळाला दाखल करण्यात आले. बाळाची प्रकृती पाहता, अमरावती जिल्हा स्त्री रुग्णालयात फॅसिलिटी नसल्याने त्याला नागपूरला चांगल्या उपचारासाठी रेफर केले जाऊ शकते.

२१ व्या शतकातही, जिथे विज्ञानाने इतकी प्रगती केलेली असताना देखील अशा अघोरी उपचाराने बाळाचा जीव धोक्यात घालणाऱ्या कुटुंबावर संताप व्यक्त केला जात आहे. २२ दिवसांच्या तान्ह्या बाळावर त्याला चटके देऊन उपचार करणाऱ्या त्याच्या पालकांवर रुग्णालय प्रशासन चांगलेच उखडले आहे. बाळाची प्रकृती नाजू्क असून त्याच्यावर योग्य उपचार तातडीने व्हावेत याकरिता नागपूरला रेफर केले जाऊ शकते असे डॉक्टर म्हणाले.