जादूटोणा करण्याची दिली धमकी

पीडित 20 वर्षीय विवाहिता ही अचलपूर तालुक्यातील रहिवासी आहे. 6 एप्रिल 2024 रोजी तिचे लग्न झाले. लग्नानंतर पीडितेचा तीनदा गर्भपात झाला. तिचे पोट नेहमीच दुखत व सुजत असल्याने परतवाडा व अमरावती येथे उपचार करण्यात आले. दरम्यान, 5 फेब्रुवारी रोजी नात्यात असलेला आरोपी दिगांबर रतन चव्हाण महाराज हा त्यांच्या घरी पोहोचला. त्याने पीडित विवाहितेच्या पतीचा हात पाहिला. त्यांच्या अंगावर लिंबू घासले. त्यानंतर त्याने पीडित विवाहितेचा हात हातात घेतला.
Nagpur Accident: कार शिकताना नियंत्रण सुटलं, गाडीसह विहिरीत कोसळले, सख्ख्या भावांसह तिघे बुडाले, नागपुरात हळहळमहिलेचा हात हातात घेतल्यानंतर मांत्रिकाने म्हटले की, बाहेरचे तीन लोक लागले आहेत. त्यावेळी त्याने विवाहितेच्या सर्व अंगावर लिंबू घासले. हात, कमर, गळा व दोन्ही पायांत बांधायला पंचरंगी दोरा दिला. हेच नाहीतर यावेळी त्याने ताबीजसुद्धा दिले. दरम्यान, 7 फेब्रुवारी रोजी रात्री 12 वाजेनंतर विवाहितेचे पोट पुन्हा दुखायला लागले. त्यामुळे त्यांच्या सासऱ्यांनी आरोपी मांत्रिक दिगांबर चव्हाण महाराज याला मोबाइलवर कॉल केला. फोनवर मांत्रिकाने सांगितले की, उद्या विवाहितेला अमरावतीला माझ्याकडे घेऊन या. त्यानुसार, फेब्रुवारी रोजी सकाळी पीडित विवाहिता व तिचे सासरे मांत्रिक दिगांबर चव्हाण महाराज याच्या घरी गेले.

बतावणी करून केला महिलेवर अत्याचार

त्यावेळी त्याने विवाहितेला एका दुसऱ्या खोलीत नेले. त्याने यावेळी तिला झोपायला सांगितले. त्याने विवाहितेच्या डोक्यावर काही मंत्रोपच्चार केले. डोळ्याला व अंगाला लिंबू घासले. तुझी दुखापत दूर करतो, तुझे पोट दुखणार नाही, तुझा गर्भपात होणार नाही, अशी बतावणी करून त्याने विवाहितेवर अत्याचार केला. त्याचवेळी सदर प्रकाराची वाच्यता केल्यास तुझ्यावर जादूटोणा करेल व तुला पाहून घेईन, अशी धमकी त्याने पीडितेला दिली. सदर घटनेनंतर पीडित विवाहितेने घडलेला सर्व प्रकार कुटुंबियांना सांगितला. त्यानंतर त्यांनी गाडगेनगर ठाणे गाठून तक्रार दाखल केली.