काय आहे प्रकरण?

संबंधित २६ वर्षांची तरुणी पुण्यातून फलटणच्या दिशेने निघाली होती. स्वारगेट एसटी स्टँड परिसरात आल्यानंतर एका ठिकाणी ती थांबली होती. यावेळी एका अनोळखी इसमाने तिला तिची एसटी दुसऱ्या ठिकाणी थांबली असल्याचं सांगितलं. माझी एसटी याच ठिकाणी थांबते, मी तिकडे जाणार नाही, असं त्या मुलीने त्या इसमाला सांगितलंही, मात्र मुलगी एकटी असल्याचा फायदा घेत त्या तरुणाने तिला त्याच्या शब्दात अडकवलं.

स्वारगेट एसटी स्टँड परिसरात असलेल्या एका अंधाराच्या ठिकाणी एक शिवशाही बस उभी होती. या ठिकाणी ती मुलगी गेली, आणि तिने ही एसटी तर बंद आहे असं देखील सांगितलं. पण, तू टॉर्च लावून आतमध्ये जा, हीच एसटी काही वेळात फलटणला निघेल, असं या नराधमाने तिला सांगितलं आणि स्वतः सुद्धा बसमध्ये शिरला. त्याने तिच्यावर जबरदस्ती केली आणि त्यानंतर तो तिथून पसार झाला, अशी माहिती आहे. घडलेला संपूर्ण प्रकार या मुलीने पोलिसांना सांगितलेला असून पोलिसांची विविध पथकं आरोपीचा शोध घेत आहेत.
Nagar Accident : दुभाजकावर धडकताच सीएनजीने पेट घेतला, गाडीला आगीने वेढले, पोलिसासह दोघांचा जळून कोळसा

अत्याचारातील आरोपीचे पलायन

दुसरीकडे, युवतीवर अत्याचार प्रकरणी अटकेत असलेला संशयित आरोपी पोलिसांच्या तावडीतून हातकडीसह पसार झाला. तुषार किसन करपे असे त्याचे नाव आहे. मंगळवारी सायंकाळी साडेचारच्या सुमारास वैद्यकीय तपासणीसाठी घाटीत नेत असतानाच पोलिस वाहनातून उडी घेत तो पसार झाला. या प्रकरणी रात्री उशीरापर्यंत वेदांतनगर पोलिस ठाण्यात गुन्हा दाखल करण्याची प्रक्रिया सुरू होती. आरोपीविरोधात अत्याचार तसेच ॲट्रॉसिटी कलमाद्वारे वेदांतनगर पोलिस ठाण्यात सोमवारी गुन्हा दाखल झाला आणि रात्री उशीरा करपेला पोलिसांनी ताब्यात घेतले होते.
Nagpur Crime : नवऱ्याहून वयाने मोठा, ३५ वर्षीय विवाहितेचा जीव जडला, नागपुरात विवाहबाह्य संबंधांचा भयावह शेवट
दरम्यान, आरोपी पळून गेल्याचे समजताच वरिष्ठ पोलिस अधिकाऱ्यांनी घटनास्थळी धाव घेतली. श्वान पथकास पाचारण करण्यात आले. श्वानाने परिसरातील शेतापर्यंत माग काढला. गुन्हे शाखेचे तीन तर वेदांतनगर पोलिस ठाण्याचे एक अशा चार पथकाद्वारे आरोपीचा शोध सुरू असल्याचे पोलिस उपायुक्त बगाटे यांनी सांगितले.