काय आहेत अटी-शर्थी?

इतकंच नाही तर म्हाडाचे अध्यक्षपद किंवा विधान परिषद यापैकी एका ठिकाणी संधी द्या. पुणे शहराध्यक्ष पदाची जबाबदारी माझ्यावर सोपवा, मग पक्ष कसा वाढतो ते दाखवतो, असंही या माजी आमदाराचं म्हणणं आहे. मिशन टायगरला पुण्यात फारसा प्रतिसाद मिळत नसल्याचं ओळखून या माजी आमदाराने एकनाथ शिंदेंच्या शिवसेनेकडे शहराध्यक्ष पदाची अट ठेवल्याची माहिती आहे.

भाजपसोबत छुपी लढाई करावी लागेल

शहरात पक्ष वाढवायचा असेल तर भाजपसोबत छुपी लढाई करावी लागेल आणि ती मीच करू शकतो, अस हा माजी आमदार शिंदे सेनेच्या मुंबईतील काही वरिष्ठ नेत्यांना बोलल्याची माहिती आहे. मुंबईत काही नेत्यांसोबत या माजी आमदाराच्या तीन ते चार बैठका झाल्याचंही समोर आलं आहे.
Dinesh Pardeshi : मातोश्रीवर धूमधडाक्यात प्रवेश, शिवसेनेला नडले, सहाच महिन्यात ठाकरेंना धक्का, बड्या नेत्याची भाजपात घरवापसी

निर्णयाचा चेंडू शिंदेंच्या कोर्टात

उपमुख्यमंत्री एकनाथ शिंदे यांच्याकडे याबाबतची सर्व माहिती गेली असून लवकरच ते यावर निर्णय घेतील, अशी माहिती शिवसेनेतील एका वरिष्ठ नेत्याने दिली आहे. या माजी आमदाराच्या अटी मान्य करताना शहर पदाधिकाऱ्यांना विश्वासात घेऊनच पुढचा निर्णय घेतला जाईल असं बोललं जात आहे.
Pune News : पुण्याबाबत देवेंद्र फडणवीसांची मोठी घोषणा, दोनच आठवड्यात नगरविकास खात्याकडून वाटाण्याच्या अक्षता

ठाकरेंनी माजी आमदाराला थांबवलं

दुसरीकडे, अडचणीच्या काळात पक्ष सोडू नका, पक्षाचं काम जोमाने जरा, उद्धव ठाकरे तुमची आठवण काढत आहेत, असा निरोप पुण्यातील शिवसेनेचे माजी आमदार महादेव बाबर यांना देण्यात आला. उद्धव ठाकरे यांनी ठाकरे गटाचे माजी खासदार विनायक राऊत यांच्यामार्फत बाबरांना निरोप पाठवला होता. विनायक राऊत यांनी महादेव बाबर यांना कॉल केला आणि पक्ष न सोडण्याची विनंती केली. एकीकडे ठाकरे गटाला धक्क्यावर धक्के बसत असताना माजी आमदाराला थांबवण्यात पक्षाला यश येतं का, हे पाहणं आता महत्त्वाचं ठरणार आहे.