बीड संतोष देशमुख हत्या प्रकरणात भाजप आमदार सुरेश धस सुरुवातीपासून आक्रमक राहिले. मात्र धस आणि धनंजय मुंडेंच्या भेटीची बातमी समोर आल्यापासून धस बॅकफूटवर गेल्याचं दिसतंय.आज सुरेश धस यांनी पत्रकार परिषद घेत धनंजय मुंडेविरोधात आणखी पुरावे दिले आहेत. यावेळी पत्रकार परिषदेत त्यांनी विविध मुद्दे मांडल्याचं पाहायला मिळालं. यावेळी सुरेश धस यांनी मनोज जरांगे यांच्याबाबत प्रश्न विचारला गेला. यावेळी ते म्हणाले, मनोज जरांगे माझं दैवत आहेत, मी त्यांना दैवत मानतो. पण सध्या ते मनोज जरांगे यांची भेट घेणार नाहीत असंही म्हटले आहेत.दरम्यान परभणी दौऱ्यावर असलेल्या मनोज जरांगे यांनाही सुरेश धसांवर प्रश्न विचारला. तेव्हा त्यांनीही बोलताना मी सुरेश धसांना लय जीव लावला होता, असं म्हणाले.पण समाजासोबत ते खोटं बोललेले आहेत, आता माझ्यासाठी तो विषय संपलाय, असंही म्हणाले.