Pune Chicken Noro Virus : पाण्याप्रमाणेच आता कोंबड्यांमध्येही ‘कॅम्पायलोबॅक्टर जेजुनी’ (जिवाणू) आणि नोरोव्हायरसचे निदान झाले आहे. पाण्यातूनच या कोंबड्यांना ‘कॅम्पायलोबॅक्टर जेजुनी’ आणि नोरोव्हायरसचा संसर्ग झाल्याची शक्यता व्यक्त होत आहे
पाण्याप्रमाणेच आता कोंबड्यांमध्येही ‘कॅम्पायलोबॅक्टर जेजुनी’ (जिवाणू) आणि नोरोव्हायरसचे निदान झाले आहे. पाण्यातूनच या कोंबड्यांना ‘कॅम्पायलोबॅक्टर जेजुनी’ आणि नोरोव्हायरसचा संसर्ग झाल्याची शक्यता व्यक्त होत आहे. तपासणी केलेल्या कोंबड्या पुणे जिल्ह्यातील असल्याने याचा नरवीर तानाजी मालुसुरे रस्त्यावरील किरकटवाडी येथील गुइलेन बॅरे सिंड्रोमच्या (जीबीएस) उद्रेकाशी संबंध जोडता येणार नाही, असे आरोग्य विभागाने स्पष्ट केले आहे.
पुणे जिल्ह्यात महिन्यापासून ‘जीबीएस’चे रुग्ण आढळत आहेत. दूषित पाणी आणि अन्नातून रुग्णांना पोटदुखी, जुलाब, डायरियाचा त्रास झाल्याची शक्यता व्यक्त होत होती. त्यामुळे महापालिका आरोग्य विभाग, राज्याचा आरोग्य विभाग आणि ‘एनआयव्ही’ने पाण्याची तपासणी केली होती. यात काही नमुन्यांमध्ये ‘कॅम्पायलोबॅक्टर जेजुनी’ आणि नोरोव्हायरसचे निदान झाले होते. त्यानंतर शहरासह जिल्ह्यातील पोल्ट्री फार्मची आणि चिकन दुकानांच्या तपासणीचे आदेश राज्य सरकारने दिले होते. त्यानुसार राज्याच्या पशुवैद्यकीय विभागाने जिल्ह्यातील पोल्ट्री फार्ममधील कोंबड्यांच्या विष्ठेचे नमुने गोळा करून तपासणीसाठी राष्ट्रीय विषाणू विज्ञान संस्थेकडे (एनआयव्ही) पाठवले.
New India Co Op Bank Scam : न्यू इंडिया बँक खातेदारांना दिलासा मिळण्याची चिन्हं, पाच लाखांपर्यंत ठेवींना विमा संरक्षण, पण…
‘एनआयव्ही’कडे कोंबड्यांच्या विष्ठेचे १०६ नमुने तपासणीसाठी पाठविले होते. त्यापैकी ६६ नमुन्यांपैकी २३ नमुन्यांत ‘कॅम्पायलोबॅक्टर जेजुनी’ हा जीवाणू असल्याचे निदान झाले. ६० नमुन्यांच्या नोरोव्हायरसच्या तपासणीपैकी पाच नमुन्यांत नोरोव्हायरस आढळल्याचे ‘एनआयव्ही’ने स्पष्ट केले आहे.
Pune GBS outbreak : पुण्यात कोंबड्यांनाही नोरोव्हायरसचे निदान, चिकन विक्रीबाबत महापालिकेच्या काटेकोर सूचना
कोंबड्यांचे नमुने पुणे, पिंपरी-चिंचवड आणि जिल्ह्याच्या ग्रामीण भागांतील आहेत. शहरातील सिंहगड रस्ता, धायरी, किरकटवाडी, खडकवासला या ठरावीक भागांत ‘जीबीएस’चे रुग्ण आढळले आहेत. संपूर्ण जिल्ह्यात रुग्ण आढळले नाहीत. त्यामुळे या कोंबड्यांमध्ये आढळलेल्या जीवाणू आणि विषाणूचा संबंध ‘जीबीएस’ची जोडता येणार नाही, असे पालिका आरोग्य विभागप्रमुख डॉ. नीना बोराडे यांनी सांगितले.
Mumbai Local Accident : गर्दीमुळे मुंबई लोकलमधून पडून मुलाचा मृत्यू, रेल्वेचा मात्र अजबच दावा, अखेर बापाने न्याय मिळवला
प्राण्यांना त्रास नाही
प्राण्यांमध्ये ‘कॅम्पायलोबॅक्टर जेजुनी’ हा जीवाणू आढळतो. मात्र, प्राण्यांना या जीवाणूमुळे त्रास होत नाही. माणसांना या जीवाणूचा त्रास होण्याची शक्यता अधिक असते. नोरोव्हायरस आणि चिकनमधून ‘जीबीएस’ची शक्यता कमी आहे. दूषित पाण्यामुळे त्रास झाल्याची शक्यता अधिक असल्याचे संसर्गरोगतज्ज्ञ डॉ. अमित द्रविड यांनी सांगितले.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा