राज्यात नुकत्याच झालेल्या विधानसभा निवडणुकीत महायुती सरकारची मुख्यमंत्री लाडकी बहीण योजना ही ‘गेम चेंजर’ ठरली होती. या योजनेच्या माध्यमातून लाभार्थी महिलांच्या खात्यावर दरमहा दीड हजार रुपये सरकारकडून जमा करण्यात येतात. मात्र या योजनेसाठी ज्या महिला अपात्र आहेत किंवा निकषात बसत नाहीत, अशा महिलादेखील या योजनेचा लाभ घेत असल्याचे सरकारच्या निदर्शनास आले होते.

अशा पाच लाख महिलांना या योजनेतून वगळण्यात आल्याची माहिती महिला व बालविकास मंत्री आदिती तटकरे यांनी काही दिवसांपूर्वी ‘एक्स’ या समाजमाध्यमावर पोस्ट करत दिली होती. त्यानंतर आता पुन्हा एकदा या योजनेतील लाभार्थ्यांची तपासणी करण्यासाठी राज्य सरकारने प्राप्ति्कर विभागाकडे या योजनेतील लाभार्थ्यांची सविस्तर यादी पाठविली आहे.
Devendra Fadnavis : ‘लव्ह जिहाद’ मुळासकट उपटणार, फडणवीसांचा मोठा निर्णय, यूपीप्रमाणे २० वर्षांच्या जेलची तरतूद?
या यादीत पात्र लाभार्थ्यांच्या आधार कार्डासोबतच इतर माहिती देण्यात आली आहे. या माहितीच्या आधारे पात्र २.६३ लाख महिलांची पात्रता तपासण्याची मागणी करण्यात आली आहे.

जवळपास पंधरा दिवसांपूर्वी यासंदर्भातील पत्र महिला व बालविकास विभागातील अधिकाऱ्यांकडून प्राप्तिकर विभागाकडे मागण्यात आल्याची माहिती अधिकाऱ्यांनी दिली. या अहवालानंतर फेब्रुवारी महिन्याचा हप्ता दिला जाणार असून त्यानंतरच या योजनेतील अधिकृत पात्र लाभार्थ्यांची यादी जाहीर करण्यात येणार असल्याचे सांगण्यात येते.
New India Co-operative Bank : आमचे हे गेले, मी सगळे पैसे न्यू इंडिया सहकारी बँकेत भरले, आता माझं बरं-वाईट… खातेदार भाववश

उत्पन्न, वाहन नोंदणीची माहिती मागवली

यात किती पात्र महिलांचे उत्पन्न अडीच लाखांपेक्षा जास्त आहे, याची सविस्तर माहिती मागविण्यात आली आहे. त्याशिवाय किती मात्र महिलांच्या आधार क्रमांकावर वाहनांची नोंद करण्यात आली आहे, याचीही माहिती मागविण्यात आली आहे.