नांदेड जिल्ह्यात गोदावरी, आसना, पैनगंगा, मांजरा यासह अनेक नद्या वाहतात. राज्य शासनाने वाळू उपशाबाबत ठोस धोरण ठरवलेले नाही. गरिबांना परवडेल अशा दरात वाळू उपलब्ध करून देण्याची घोषणा झालौ खरी; परंतु त्याची अंमलबजावणी होऊ शकली नाही. दर वर्षी वेगवेगळ्या वाळूच्या ठेक्यामधून राज्य सरकारला लाखो रुपयांचा महसूल मिळत होता. पण अलीकडच्या काळात अधिकृत वाळू उपसा करण्याऐवजी अधिकाऱ्यांना हाताशी धरून अनधिकृतपणे वाळू उपसा करण्याकडे वाळूमाफियांचा कल वाढला आहे.
समुद्राच्या लाटांपासून पहिल्यांदाच वीजनिर्मिती; मुंबईत १०० किलोवॉटचा पायलट प्रकल्प, जाणून घ्या
गेल्या महिन्यात जिल्हा नियोजन समितीची बैठक झाली होती. या बैठकीत वाळूच्या अवैध उपशाबाबत जोरदार खडाजंगी झाली. काही लोकप्रतिनिधींना या मुद्द्यावर अधिकाऱ्यांना विशेषतः पोलिस विभागाला धारेवर धरले. अवैध वाळू व्यवसाय अनेक पक्षांचे स्थानिक पदाधिकारी असल्याने कारवाई करताना पोलिस प्रशासनाला मोठी अडचण होत होती. परंतु पालकमंत्र्यांनी याबाबत कारवाई करण्याचे निर्देश दिल्यानंतर गेल्या १५ दिवसांपासून पोलिस प्रशासनाने कारवाईचे हत्यार उपसले आहे. स्वतः पोलिसक्षक अविनाश कुमार अतिरिक्त पोलिस अधीक्षक सूरज गुरव हे स्वतः कारवाई करण्यासाठी सरसावल्यानंतर जिल्ह्यात ठिकठिकाणी कारवाई सुरू झाली.

मंगळवारी मध्यरात्री बिलोली तालुक्यातील गंजगाव येथील वाळू घाटावर कारवाई करत पोलिसांनी दोन जेसीबीसह २६ हायवा टिप्पर जप्त केले. जप्त केलेल्या साहित्याची किंमत तीन कोटी १५ लाख रुपये असल्याचे सांगण्यात आले. अन्य एका घटनेत बुधवारी रात्री सिडको पोलिस ठाण्याच्या हद्दीत पोलिसांनी कारवाई करून लाखो रुपयांची वाळू जप्त केली आहे. या प्रकरणात दोघांविरुद्ध गुन्हे दाखल करण्यात आले आहेत. नांदेड जिल्ह्यातील अवैध वाळू उपश्या बाबत पोलिसांनी केलेल्या कारवाईनंतर वाळूमाफियांचे धाबे दणाणले आहेत.
मोठी बातमी! रात्री साडेअकरानंतर शिर्डी पूर्णपणे बंद; ग्रामस्थांचा मोठा निर्णय, काय कारण?
गेल्या आठवड्यात माहूर येथे तहसीलदार ईश्वर यादव यांनी केलेल्या कारवाईत मोठ्या प्रमाणात वाळू जप्त केली. जिल्हाधिकारी राहुल कर्डिले, सहायक जिल्हाधिकारी मेघना कावली यांच्या मार्गदर्शनाखाली झालेल्या कारवाईत ३३ वाहने जप्त करण्यात आली होती. आता जप्त केलेल्या वाळूचा लिलाव करण्याची प्रक्रिया सुरू झाली आहे. कमी दराने होणाऱ्या या वाळू विक्रीचा लाभघ्यावा, असे आवाहन तहसीलदार किशोर यादव यांनी केले.
शुभमंगल लागतानाच वऱ्हाडी सावधान, विवाह सोहळ्यात बिबट्याची एन्ट्री, वधू-वर गाडीत लपले
जिल्ह्यात अनेक ठिकाणी अवैध वाळू उपसा होत असल्याच्या तक्रारी होत्या. जिल्हाधिकारी राहुल कर्डिले यांच्या सूचनेनुसार पोलिस विभागाने विशेष मोहीम हाती घेऊन गेल्या पंधरा दिवसांत पाच कोटींपेक्षा अधिक ऐवज जप्त केला आहे. बेकायदा वाळू उपसा करणाऱ्या विरुद्ध पोलिस आणि महसूल प्रशासनाची कारवाई यापुढे कायम राहणार आहे. या प्रकरणात कोणाचीही गय केली जाणार नाही. – अविनाश कुमार, पोलिस अधीक्षक नांदेड.