सातत्याने धनंजय मुंडे यांच्या राजीनाम्याची मागणी होत असताना राष्ट्रवादी पक्षाकडून कोअर ग्रुप स्थापन करण्यात आला आहे. विशेष म्हणजे या कोअर ग्रुपमध्ये धनंजय मुंडे यांचा देखील समावेश करण्यात आलाय. राष्ट्रवादी पक्षाकडून अधिकृत पत्रक याबद्दल काढण्यात आलंय. कोअर ग्रुपमध्ये पक्षाचे अध्यक्ष अजित पवार, पक्षाचे राष्ट्रीय कार्याध्यक्ष खासदार प्रफुल्ल पटेल, प्रदेशाध्यक्ष खासदार सुनील तटकरे, आमदार छगन भुजबळ, आमदार दिलीप वळसे पाटील, मंत्री हसन मुश्रीफ आणि मंत्री धनंजय मुंडे यांचा कोअर ग्रुपमध्ये समावेश आहे.
New India Co-operative Bank : तुमच्या पाच लाखांपर्यंतच्या ठेवी… न्यू इंडिया सहकारी बँक ग्राहकांना सोमय्यांचा महत्त्वाचा मेसेजसामाजिक कार्यकर्त्या अंजली दमानिया यांच्याकडून धनंजय मुंडे यांच्या राजीनाम्याची मागणी केली जात आहे. सासोबतच त्यांनी काही कागदपत्रे मुख्यमंत्री देवेंद्र फडणवीस आणि उपमुख्यमंत्री अजित पवार यांच्याकडे धनंजय मुंडे यांच्या विरोधात पाठवली आहेत. धनंजय मुंडेंच्या राजीनाम्याची मागणी करत असताना त्यांना कोअर ग्रुपमध्ये स्थान दिल्यानंतर अंजली दमानिया यांनी मोठी प्रतिक्रिया देत संताप व्यक्त केलाय. अंजली दमानिया यांनी म्हटले की, मला वाटते आता राष्ट्रवादी पक्षात मोठ्या प्रमाणात वादविवाद होत आहेत.

आता जो निर्णय घेण्यात आलाय, त्या प्रेस नोटमध्ये मी बघते की, पक्षाची संघटन बांधणी, धोरणात्मक निर्णय आणि जनविकासासाठी म्हणजे मला खरंच कळत नाही की, ही सर्व मंडळी जनविकास काय करणार आहे. मागील दहा वर्षात बीडमध्ये झालेला विकास, बीडमधील दहशत आपण बघितली. असे असताना जनहितासाठी ही सात लोकांची कमिटी बनवली आहे. यामध्ये धनंजय मुंडेंचे नाव आहे, यावरून हे दिसतंय की, तुम्ही मोर्चे काढा, आंदोलने करा, आम्हाला काही फरक पडत नाही, आम्हाला जे करायचे ते आम्ही करणार, हे यातून अगदी स्पष्ट दिसतंय.