संतोष देशमुख हत्येप्रकरणी विरोधकांसह सहकारी पक्षांच्या आमदारांनी निशाणा साधला. कृषीमंत्री असतानाच्या कार्यकाळातील भ्रष्टाचाराच्या आरोपांवरून अंजली दमानियांनी घेरलं.सुरेश धसांपासून अनेकांनी धनंजय मुंडेंवर आतापर्यंत अनेकांकडून आरोपास्त्र डागलं तर अनेकांनी त्यांच्या राजीनाम्याची मागणी लावून धरली. दुसरीकडे मंत्रिमंडळात स्थान न दिल्यानं नाराज झालेले छगन भुजबळ भाजपशी जवळीक साधत असल्याच्या चर्चा होत्या. मात्र असं असतानाही अजित पवारांनी दोघांनाही पक्षात मानाचं स्थान दिलं आहे. त्यामुळे धनंजय मुंडे यांच्या पाठीशी पक्ष ठामपणे उभा आहे हे अजित दादांनी दाखवून दिलंय. तर भुजबळांची मनधरणी केल्याचा प्रयत्न देखील दिसून येतोय.