२०२९ मध्ये होणाऱ्या लोकसभा निवडणुकीसाठी धनंजय सावंत हे ईच्छुक असुन, त्या दृष्टीने धनंजय सावंत लोकसभा मतदार संघात आपला जनसंपर्क वाढवणार आहेत. प्रत्येक गावात पोहचण्याचे नियोजन, युध्दपातळीवर केले जात आहे. मतदारसंघातील प्रत्येक मतदारापर्यंत पोहचण्याचे नियोजन केले जात असुन, त्यांचा सोशल मिडिया ॲक्टीव्ह केला जात आहे. पुढील काही दिवसांमध्ये लोकसभा मतदारसंघातील विधानसभा मतदार संघामध्ये बैठकांचे नियोजन केले जात आहे. ही ५ वर्ष मतदारसंघातील प्रत्येक गावात, खेडयात, वस्तीवर जावुन प्रत्येकांना भेटणार असल्याचे धनंजय सावंत यांनी म्हटलं. पुढील ५ वर्षात विविध उपक्रम घेतले जाणार आहेत. मेळावे तसेच महिला, तरुण यांच्यासाठी नियोजन केले जाणार आहे. या माध्यमातुन मतदारांची कामे करणार असल्याचे धनंजय सावंत यांनी म्हटलं.

२०२४ लोकसभा,विधानसभा निवडणुकीत हुलकावणी

२०२४ मध्ये झालेल्या लोकसभा निवडणुकीत धनंजय सावंत शिंदेगटाकडून इच्छुक होते. तशी मागणी देखील पक्षनेतृत्वाकडे केली होती. ऐनवेळी राष्ट्रवादी काँग्रेस पक्ष अजित पवार गटाला हि जागा सुटल्यामुळे सावंत समर्थक नाराजीमुळे आक्रमक झाले होते. काही पदाधिकारी यांनी त्यांच्या पदाचे राजीनामे पक्षनेतृत्वाकडे पाठवले होते. धनंजय सावंत यांनी त्यावेळी समर्थकांसह मुंबई गाठली होती. तत्कालीन मुख्यमंत्री, विदयमान उपमुख्यमंत्री एकनाथ शिंदे यांनी धनंजय सावंत यांना योग्य वेळी संधी देवू असे आश्वासन दिले होते.

२०२४ मध्ये झालेल्या विधानसभा निवडणुकीत कळंब-धाराशिव मतदारसंघातून धनंजय सावंत इच्छुक होते. यासाठी माजी आरोग्यमंत्री आमदार डाॅ. तानाजी सावंत यांनी आपली राजकिय ताकत लावली होती. त्या वेळेस ऐनवेळी भाजपाचे उपाध्यक्ष अजित पिंगळे यांना शिंदेगटाकडुन उमेदवारी देण्यात आली होती.धनंजय सावंत यांना त्यावेळी डावलले होते.