रुग्णालयावर छापा टाकल्यानंतर, ५ गर्भवती महिला रुग्णालयात बसलेल्या आढळल्या. यापैकी २ गर्भवती महिला बुलढाणा जिल्ह्यातील, २ अकोला जिल्ह्यातील आणि १ वाशिम जिल्ह्यातील रिसोड शहरातील होती. वरिष्ठांना छाप्याची माहिती दिल्यानंतर आरोग्य विभागाच्या विभागीय पथकाने सोनोग्राफी मशीन सील केली. आरोग्य विभागाच्या पथकाने एजंटकडून ६० हजार रुपये आणि ५ मोबाईल जप्त केले.

दरम्यान, वाशिमच्या रिसोड येथील भारत माध्यमिक शाळेत इत्यात्ता १२ वीच्या परीक्षेदरम्यान काल इंग्रजी विषयाचा पेपर सुरू असताना सामुहिक कॉपी झाल्याचा प्रकार उघड झाला. या प्रकरणी शाळेच्या शिपायाविरोधात रिसोड पोलीस ठाण्यांतर्गत शिक्षण विभागाकडून गुन्हा दाखल करण्यात आला आहे. या प्रकारामुळे मुख्यमंत्र्यांच्या आदेशाला पायमल्ली तुडवले जात असल्याचे निष्पन्न होत आहे. भारत माध्यमिक विद्यालय हे भाजपचे नेते आणि माजी मंत्री अनंतराव देशमुख हे अध्यक्ष असलेल्या आर्य शिक्षण संस्थेकडून चालवली जाते. त्यामुळे मुख्यमंत्री देवेंद्र फडणवीस यांनी, “मास कॉपी आढळल्यास शाळेची मान्यता रद्द करू” असं विधान केलं होतं. ते आता या शाळेवर कारवाई करतात का हे पाहणं महत्त्वाचं असणार आहे. सदर प्रकरणाचा अधिक तपास उपविभागीय पोलिस अधिकारी नवदिप अग्रवाल यांच्या मार्गदर्शनात रिसोड पोलीस करत आहेत.