India’s Got Latent Controversy: विनोदी कलाकार समय रैनाच्या इंडियाज गॉट लॅटेंट या शोमध्ये यूट्युबर रणवीर अलाहाबादिया आणि अपूर्वा मखिजा यांना बोलवण्यात आले होते. त्यावेळी रणवीरने आई-वडिलांच्या स्पर्धकाला शारीरिक संबंधाबाबत विचारलेल्या प्रश्नांमुळे मोठे वादळ उठले.
हायलाइट्स:
- शोमध्ये सहभागी ४० जणांची ओळख पटली
- आसाम पोलिसांचे पथकही मुंबईत दाखल
- रणवीर, रैना यांची विदेशातून परतल्यानंतर चौकशी
सामूहिक कॉपी आढळल्यास केंद्राची मान्यता रद्द करा; CM देवेंद्र फडणवीसांचे कडक कारवाईचे आदेशएका भागाचा व्हिडीओ समाजमाध्यमांवर व्हायरल झाल्यानंतर या शोविरुद्ध सर्वसामान्य नागरिकांनी प्रचंड संताप व्यक्त केला. खार पोलिसांनी तत्काळ दखल घेत कारवाई सुरू केली. समय, रणवीर, अपूर्वासह अनेकांना चौकशीसाठी समन्स बजावण्यात आले. त्यानुसार अपूर्वा हिच्यासह चौघे बुधवारी पोलिसांसमोर हजर झाले. अपूर्वा हिची सुमारे तीन तास चौकशी करण्यात आली.
श्वानामुळे ५६ वर्षीय इसमाची हत्या उघड; सहा तास होता मृतदेहाजवळ बसून, कळमेश्वरमधील घटनामहाराष्ट्र सायबर पोलिसांनी शोमध्ये सहभागी झालेल्या ४० जणांची ओळख पटवली आहे. या सर्वांना चौकशीसाठी बोलावले जाणार असल्याचे सायबर पोलिसांनी म्हटले आहे. इंडियाज गॉट लेटेंटचे १८ भाग काढून टाकण्याची सूचना यूट्युबला करण्यात आली असून काही भाग बंद करण्यात आल्याची माहिती आहे. रणवीर आणि अपूर्वा यांचा सहभाग असलेल्या सर्व भागांचे संपूर्ण चित्रीकरण तपासले जाणार आहे. अश्लील, आक्षेपार्ह विधान केल्याचे चौकशीतून समोर आल्यास कायदेशीर कारवाईला सामोरे जावे लागेल असा इशारा पोलिसांनी दिला आहे.
नाशिकमध्ये शिंदेंकडून ‘ऑपरेशन’! शिवसेनेत लवकरच मोठ्या नेत्यांच्या प्रवेशाचे दादा भुसेंचे संकेतसमय रैनाने सर्व भाग हटवले ‘माझ्या यूट्युब खात्यावरून इंडियाज गॉट लेटेंटचे सर्व भाग मी हटवले आहेत,’ अशी माहिती समय रैना याने बुधवारी दिली. रणवीर अलाहाबादियाच्या अश्लील शेरेबाजीमुळे उद्भवलेल्या वादानंतर हा निर्णय घेतल्याचे त्याने सांगितले. ‘या प्रकरणी जे काही घडत आहे ते हाताळण्यास मी असमर्थ आहे. लोकांचा विरंगुळा करणे, त्यांचे मनोरंजन करणे एवढाच माझ्या कार्यक्रमाचा हेतू होता. परंतु सध्याची स्थिती पाहता मी ते सर्व भाग हटवले आहेत. या प्रकरणी होत असलेल्या तपास व चौकशीस मी पूर्ण सहकार्य करेन,’ असे त्याने एक्सवर लिहिले आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा