Maharashtra State Cabinet Meeting : जनाई शिरसाई उपसा सिंचन योजनेच्या कालव्यांना बंदिस्त नलिका वितरण प्रणालीत रुपांतरण करण्याच्या कामासाठी प्रशासकीय मान्यता देण्यात आली.
मंत्रिमंडळ बैठकीत कोणकोणते निर्णय?
1) देहरजी मध्यम पाटबंधारे प्रकल्प, ता. विक्रमगड, जि. पालघरसाठी २ हजार ५९९ कोटी रुपयांच्या सुधारित खर्चाला मंजुरी.
– प्रकल्पातून 69.42 दलघमी पाणीसाठा वसई-विरार महापालिकेच्या पिण्याच्या पाण्यासाठी आरक्षित
(जलसंपदा विभाग)
2) जनाई शिरसाई उपसा सिंचन योजना ता. दौंड, बारामती आणि पुरंदर जि. पुणे योजनेच्या कालव्यांना बंदिस्त नलिका वितरण प्रणालीत रुपांतरण करण्याच्या कामासाठी विस्तार व सुधारणा अंतर्गत ४३८.४८ कोटी रुपयांना प्रशासकीय मान्यता
– जनाईतून दौंड, बारामती, पुरंदर तालुक्यातील अवर्षण भागात ८३५० हेक्टरला सिंचन
– शिरसाईतून बारामती, पुरंदरच्या अवर्षण भागात ५७३० हेक्टरला सिंचन
(जलसंपदा विभाग)
3) आपत्ती व्यवस्थापन प्राधिकरण नियमांत २०१९ मध्ये दुरुस्ती
(मदत व पुनर्वसन विभाग)
Nashik Doctor Murder : सुवर्णा वाजे मृत्यूपूर्वी कुणाला भेटल्या? नाशिकच्या डॉक्टरला गाडीत जाळलं, तीन वर्षांनी पती निघाला…
मै इधर जाऊ या उधर जाऊ
आज राज्य मंत्रिमंडळाची बैठक पार पडली. याकरिता कॅबिनेट मंत्री, राज्यमंत्री तसेच राज्यभरातले आमदार मंत्रालयात हजेरी लावत असतात. कॅबिनेट बैठक असल्या कारणाने भेटीगाठी तसेच प्रशासकीय कामानिमित्त नागरिकांची मोठी गर्दी मंत्रालयात पाहायला मिळते. अशातच मंत्रालयातील तळ मजल्यावरील एक लिफ्ट ही मुख्यमंत्री आणि उपमुख्यमंत्र्यांसाठी राखीव असते. मात्र मंत्री गिरीश महाजन यांना यानिमित्त एक वेगळाच अनुभव पाहायला मिळाला. 
Rishiraj Sawant : बिझनेससाठी बँकॉकला गेला, घरी सांगितलं नाही, कारण… तानाजी सावंतांच्या मोठ्या मुलाने सगळं सांगितलं
कोणत्या लिफ्टने कॅबिनेट बैठकीकरिता सातव्या मजल्यावर जायचं या संभ्रमात ‘मै इधर जाऊ या उधर जाऊ’ असं म्हणत मंत्री महोदय गिरीश महाजन यांनी सचिवांसाठी असलेल्या लिफ्ट मधून सातव्या मजल्यावर कॅबिनेट बैठकी करिता उपस्थिती लावली.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा