महादेव मुंडे यांच्या पत्नीचा प्रशासनाला मोठा इशारा

संतोष देशमुख यांच्या हत्येतील एक आरोपी फरार आहे. आता महादेव मुंडे यांच्या कुटुंबियांनी म्हटले आहे की, आमच्या प्रकरणाची बीड पोलीस अधीक्षकांनी जास्तीत जास्त दखल घ्यावी .महादेव मुंडे खून प्रकरणाचा तपास एसआयटी किंवा सीआयडी मार्फत करावा नाहीतर आम्ही कुटुंबीय बीड पोलीस अधीक्षक कार्यालयासमोर आमरण उपोषण करणार असा थेट इशारा महादेव मुंडे यांच्या पत्नी ज्ञानेश्वरी मुंडे यांनी पोलीस प्रशासनाला दिलाय.
सुरेश धसांचे देवेंद्र फडणवीस यांच्याबद्दल मोठे विधान, म्हणाले, ते खरोखरच… एसआयटी किंवा सीआयडी मार्फत तपास करण्याची मागणी

महादेव मुंडे यांच्या खून प्रकरणाचा तपास अंबाजोगाईचे पोलीस उपाधीक्षक अनिल चोरमले यांच्याकडे देण्यात आला होता. महादेव मुंडे यांच्या पत्नी ज्ञानेश्वरी मुंडे म्हणाल्या की, आम्ही अनिल चोरमले यांना भेटलो होतो. मात्र, आता त्यांच्याकडून आम्हाला न्यायची अपेक्षा नाही. आम्ही बीड पोलीस अधीक्षकांची भेट घेणार असून त्यानंतर त्यांना तीन दिवसाची मुदत देणार आहोत. जर आमच्या मागण्या मान्य झाल्या नाही तर पोलीस अधीक्षक कार्यालयासमोर आंदोलन करणार आहोत, असे ज्ञानेश्वरी मुंडे यांनी म्हटले.

बीड पोलिस अधीक्षकांकडे केली मोठी मागणी

महादेव मुंडे यांचे कुटुंबिय चांगलेच आक्रमक होताना दिसत आहेत. संतोष देशमुख हत्या प्रकरणी सीआयडी आणि एसआयटीकडून तपास सुरू आहे. तपासावर आपण समाधानी असल्याचे देशमुख कुटुंबियांनी काही दिवसांपूर्वीच म्हटले होते. तपास अधिकारी माहिती देण्यास टाळाटाळ करत होते, त्यावेळी संतोष देशमुख यांचे बंधू धनंजय देशमुख यांनी पाण्याच्या टाकीवर चढून आंदोलन केले होते.