एकनाथ शिंदे यांनी 32 लाख रुपयांची मदत देण्याचा निर्णय घेतला असून आमदार विजय शिवतारे यांनी ही मदत आजच पोहचवली आहे. शिवतारे यांनी ही मदत मोरे कुटुंबियांकडे सुपूर्त केली आहे. आत्महत्या कारण्याअगोदर मोरे महाराजांनी माझे कर्ज फेडण्यासाठी मित्रांनी माझ्या घराच्याना मदत करावी, असे आवाहन केले होते. त्यांच्याच आवाहनाला साद दिली आणि उपमुख्यमंत्री एकनाथ शिंदे यांनी मोरे कुटुंबाला आर्थिक विवंचनेतून बाहेर काढण्यासाठी मदतीचा हात पुढे केला आहे.
एकनाथ शिंदे धीरगंभीर व्यक्तिमत्त्वाचे नेते आणि तुम्ही म्हणता नाराज… उपमुख्यमंत्र्यांच्या नाराजीवर देवेंद्र फडणवीसांचं अजब स्पष्टीकरणजगद्गुरू संत तुकाराम महाराजांचे 11 वे वंशज प्रसिद्ध हभप शिरीष महाराज मोरे यांच्या आत्महत्येनंतर फक्त वारकरी संप्रदाय नाही संपूर्ण महाराष्ट्र हळहळला. आर्थिक अडचणीत शिरीष मोरे यांनी आपलं आयुष्य संपवलं, ही बाब एकनाथ शिंदेंना समजताच त्यांनी मोरे कुटुंबियांना 32 लाख रुपयांची मदत देण्याचा निर्णय घेतला आहे. आता एकनाथ शिंदे हे मोरे कुटुंबियांच्या मदतीला धावून आल्याचे बघायला मिळत आहे.

कुणाकुणाचं कर्ज?

शिरीष महाराजांवर 32 लाख 35 हजारांचे कर्ज होते. मुंबईतल्या सिंघवजींचे 17 लाखाचे, बचत गटाचे 4 लाखांचे, सोने गहाण ठेवलेले त्याचे 1 लाख 30 हजार, वैयक्तिक कर्ज 2 लाख 25 हजार, चारचाकी वाहन 7 लाखाचे कर्ज आणि किरकोळ देणी 80 हजार असे एकूण 32 लाख 35 हजारांचे कर्ज होते. काही दिवसांवरच लग्न असताना शिरीष महाराज मोरे यांनी आत्महत्येसारखे पाऊल उचलण्याने सर्वांनाच मोठा धक्का बसला होता.