बीड जिल्ह्यातील धारूर पोलीस ठाणे हद्दीत अशोक मोहिते याला वैजनाथ बांगर आणि एका अल्पवयीन मुलाने बेदम मारहाण केली. या मारहाणीत अशोक मोहिते गंभीर जखमी असून त्याच्यावर लातूर येथील रुग्णालयात उपचार सुरू आहेत. हल्ला झाल्यानंतर हे दोघेजण फरार झाले होते. पोलिसांनी विशेष पथकाद्वारे दोघांना कर्नाटक राज्यातून ताब्यात घेतले होते.
Beed Crime : बीड पुन्हा हादरलं! तुझाही देशमुख करू म्हणत आंधळेच्या पोरांकडून होमगार्डवर कोयत्याने वार, डोक्याला 8 टाके, कारण काय?
बीडमधील सरपंच संतोष देशमुखांच्या हत्येनंतर जिल्ह्यातील गुन्हेगारीचे भयावह वास्तव समोर येत आहे. यावर सर्वच स्तरातून चिंता व्यक्त केली जात आहे. यातच अनेक राजकीय नेत्यांनी आक्रमक भूमिका घेतली असून आरोप-प्रत्यारोपांची मालिका सुरु आहे. अशातच बीडमधील धारूर येथून धक्कादायक बातमी समोर आली होती. देशमुख प्रकरणातील फरार आरोपी कृष्णा आंधळेच्या मित्राने होमगार्ड असलेल्या अशोक मोहितेवर कोयत्याने वार केले होते. मोहिते यात गंभीर जखमी झाला होता.

वाल्मिक कराड, मुंडे साहेबांच्या बातम्या बघितल्या तर तुझा संतोष देशमुख करून टाकू असे म्हणत अशोकच्या डोक्यात वैजनाथने कोयता घातला होता. गंभीर जखमी झालेल्या अशोकचे स्वामी रामानंद तीर्थ रुग्णालयात उपचार सुरू होते. मात्र त्याला नंतर लातूरच्य रुग्णालयात हलवण्यात आले. अशोकच्या डोक्याला आठ टाके पडले आहेत.