शिर्डीतील साई बाबा मंदिराच्या भोजनालयाबाबत महत्त्वाचा निर्णय घेण्यात आलाय. भोजनासाठी आता टोकन बंधनकारक करण्याचा निर्णय जारी करण्यात आला आहे. गुरुवारपासून (६ फेब्रु.) या निर्णयाची अंमलबजावणी सुरू झाली आहे. यामुळे आता सरसकट मोफत भोजनास प्रवेश बंद करण्यात आला आहे. यावर प्रतिक्रिया देताना काही साई भक्तांनी नव्या निर्णयाचे स्वागत केले आहे. तर काही भक्तांनी मात्र पूर्वीचा निर्णय पुन्हा लागू करण्याची मागणी केली आहे.