या घोटाळ्यात सहभागी असल्याप्रकरणी आर्मन अतेन या अभिनेत्याला पोलिसांनी मागील आठवड्यात मालाड मालवणी येथून अटक केली. त्याची पोलिस कोठडीची मुदत संपल्यानंतर त्याला सोमवारी न्यायालयात हजर केल्यानंतर पोलिसांनी त्याच्या बनावट जन्मदाखल्याविषयी माहिती दिली.

पोलिसांनी कोर्टात काय सांगितलं?

‘तपासादरम्यान या आरोपीने भारतीय असल्याचा दावा करीत मुंबई महापालिकेच्या एफ-वॉर्डकडून कथितरित्या मिळालेला जन्मदाखला दाखवला. तसेच आधार कार्ड, वाहन परवाना व अन्य कागदपत्रेही दाखवली. मात्र, जन्म दाखल्याच्या सत्यतेविषयी शंका आल्याने त्याविषयी महापालिकेकडे पडताळणी केली असता, त्याचा दाखला बनावट असल्याचे निष्पन्न झाले’, असे पोलिसांनी न्यायालयात सांगितले.
Devendra Fadnavis : १७ वर्षांचं लेकरु आजारी, आईने मंगळसूत्र विकलं; व्यथा समजताच फडणवीस हळहळले, मुख्यमंत्र्यांचा मोठा निर्णय
दी प्लॅटिनम हर्न प्रायव्हेट लिमिटेड या कंपनीने ‘टोरेस ज्वेलरी’ या ब्रँडखाली गुंतवणुकीच्या खोट्या योजना राबवून गुंतवणूकदारांची एक हजार कोटी रुपयांहून अधिकची फसवणूक केल्याचा आरोप आहे. याप्रकरणी आर्मनसह सहा आरोपी अटकेत आहेत.

काय आहे प्रकरण?

‘टोरेस घोटाळा हा खूप मोठा असल्याने गुंतवणूकदारांचे पैसे अनेक बनावट कंपन्यांमध्ये वळते करण्यात आले असतील. त्या माध्यमातून पैशांचा अपहार होऊन गुंतवणूकदारांचे मोठे नुकसान होईल. त्यामुळे पैसे कुठे-कुठे गेले आहेत, याचा छडा लावण्यासाठी तपाससंस्थेचा सर्वांगीण व सखोल तपास करण्याचा आदेश द्यावा’, अशी विनंती पीडित गुंतवणूकदारांनी अर्जाद्वारे मुंबई सत्र न्यायालयात केली होती.
Nashik News : नवऱ्याने जीव दिला, सासरच्यांनी घराबाहेर काढलं; नाशिकची माऊली म्हणते, लेकीचं लग्न तरी डोळ्याने पाहू द्या हो!

‘फॉरेन्सिक ऑडिटचा आदेश द्यावा’

गुंतवणूकदारांनी अॅड. सनी पुनमिया यांच्यामार्फत दोन अर्ज दाखल केले आहेत. या दोन्ही अर्जांवर १० फेब्रुवारी रोजी सुनावणी अपेक्षित आहे. ‘या प्रकरणातील अनेक आरोपी फरार आहेत. त्यांच्याविरोधात अजामीनपात्र अटक वॉरंट जारी करावे. तसेच घोटाळ्यातील पैशांचा प्रवास कुठे व कसा झाला आहे, याचा पर्दाफाश होण्यासाठी फॉरेन्सिक ऑडिटचा आदेश द्यावा’, अशी विनवणीही गुंतवणूकदारांनीही अर्जात केली आहे.