अग्निशमन दलाकडून प्राप्त होणारे उत्पन्न, परवाना विभाग, जकातीपोटी शासनाकडून मिळणारी नुकसानभरपाई, विकास नियोजन खात्याकडून मिळणारे उत्पन्न इत्यादी महसुली उत्पन्नाचे स्त्रोतांद्वारे उत्पन्नवाढीचे लक्ष्य महापालिकेने ठेवले आहे. २०१७-१८पासून मुंबई महापालिकेच्या एकूण खर्चामधील महसुली खर्चाच्या वाट्यामध्ये ७५ टक्क्यांवरून ४२ टक्क्यांपर्यंत सातत्याने घट झाली असून, भांडवली खर्चाचा हिस्सा २५ टक्क्यांवरून ५८ टक्क्यांपर्यंत पोहोचल्याचे आयुक्त गगराणी यांनी सांगितले.
मराठीच बोला कौतुके! आता सरकारी कार्यालयांत मराठी अनिवार्य; अन्यथा कर्मचाऱ्यांवर शिस्तभंगाची कारवाई
कचरा कर मोजावा लागणार
मुंबई : वाढती लोकसंख्या आणि घनकचऱ्याच्या वाढत्या प्रमाणामुळे कचरा व्यवस्थापनावरील खर्चात वाढली झाली आहे. तो भरून काढून सुरळीत कामकाज आणि आर्थिक स्थैर्यासाठी घनकचरा व्यवस्थापन वापरकर्ता शुल्क लागू करण्याचा मुंबई महापालिकेचा प्रस्ताव आहे. तसेच करमणूक कर किंवा शुल्कही वसूल केले जाणार असून, त्यासाठी राज्य सरकारने अधिसूचना जारी केल्यानंतरच त्याची अंमलबजावणी करण्यात येणार आहे.

मालमत्ता करातून ५,२०० कोटी
मुंबई महापालिकेला मालमत्ता करातून ५ हजार २०० कोटी रुपये, जल आणि मलनिःसारण शुल्कातून २ हजार ३६३ कोटी १५ लाख रुपये महसूल अपेक्षित आहे. विकास नियोजन खात्याकडून ९ हजार ७०० कोटी रुपये महसूाची अपेक्षा आहे.
अजबच! ‘सिबिल स्कोअर’ खराब असल्याने मोडलं लग्न, ऐनवेळी नवरा मुलगा रिजेक्ट
खड्डेमुक्त रस्त्यांना गती
मुंबई महापालिका सुमारे दोन हजार ५० किमी लांबीच्या रस्त्यांचे काँक्रीटीकरण करणार आहे. आत्तापर्यंत एक हजार ३३३ किमी रस्त्यांचे काँक्रीटीकरण पूर्ण झाले आहे. अन्य कामांना गती देण्यात येणार आहे.
किनारा मार्गाला अर्थबळ
मुंबई महापालिकेने सागरी किनारा मार्ग, दहिसर-भाईंदर लिंक रोड, गोरेगाव-मुलुंड लिंक रोड प्रकल्पासाठी भरीव तरतूद केली आहे. सागरी मार्गासाठी १ हजार ५०७ कोटी २४ लाखांची तरतूद करण्यात आली आहे.
‘अग्निशमन ‘ला बूस्टर
मुंबई अग्निशमन दलाचे आधुनिकीकरण करण्यासाठी अर्थसंकल्पात २६१ कोटी रुपये इतकी तरतूद करण्यात आली आहे. मुंबईत आग लागण्याच्या घटना वारंवार घडतात. यामुळे अग्निशमन दलास बळकटी देण्यात येत आहे.

तरतूद किती ?
‘बेस्ट’ अनुदान -९ हजार कोटी
घनकचरा व्यवस्थापन – ५ हजार ५६७ कोटी
विभाग प्रमुख रुग्णालये – २ हजार ४५५ कोटी