School Bus Fare Hike: स्कूल बस ओनर्स असोसिएशनने (एसबीओए) मुंबईसह राज्यात १८ टक्के दरवाढ करण्याची घोषणा केली आहे. नव्या शैक्षणिक वर्षापासून अर्थात १ एप्रिलपासून ही दरवाढ लागू होणार आहे.
बस कंपनीकडून वाहनांच्या सुट्या भागांच्या किंमती वाढवण्यात आल्या आहेत. इंधनदरातही वाढ झाली आहे. पार्किंग शुल्क दुप्पट झाल्याने बस चालक-मालकांना अतिरिक्त आर्थिक भार सहन करावा लागत आहे. परिणामी बस देखभाल-दुरुस्ती खर्चात वर्षाला १२ टक्यांची वाढ झाली आहे. विद्यार्थी सुरक्षिततेसाठी जीपीएस यंत्रणा, सीसीटीव्ही कॅमेरे आणि इतर सुरक्षा उपकरणे कार्यान्वित करणे अनिवार्य केले आहे. याच खर्चाचा भार बस चालक-मालकांच्या माथी मारण्यात आला आहे. यामुळे नव्या शैक्षणिक वर्षापासून १८ टक्के दरवाढ करण्यात येणार आहे. दरवाढीची माहिती परिवहनमंत्री प्रताप सरनाईक यांच्यासह परिवहन विभाग आणि शाळांना देण्यात आली आहे.
BMC Budget 2025: मुंबई महापालिकेचा ७४ हजार ४२७ कोटींचा अर्थसंकल्प सादर; यंदा १४ टक्क्यांनी वाढ
… तर दरवाढ नाहीमुंबईसह राज्यात शालेय बसव्यतिरिक्त रिक्षा, टॅक्सींमधूनही विद्यार्थी वाहतूक केली जाते. ही वाहतूक बेकायदा आहे. राज्य सरकारने बेकायदा विद्यार्थी वाहतुकीला आळा घातल्यास दरवाढ रद्द करण्यात येईल, असे एसबीओएचे अध्यक्ष अनिल गर्ग यांनी सांगितले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा