अर्थसंकल्पात मेट्रो निओ, नमामि गोदालाही ठेंगा

केंद्रीय अर्थसंकल्पात नाशिकसाठी नवीन घोषणा टाळण्यात आली असतानाच, जुन्या प्रकल्पांनाही चाल दिली नसल्याने नाशिककरांसाठी हा अर्थसंकल्प निराशाजनक ठरला आहे. नाशिक-त्र्यंबकेश्वर येथे होऊ घातलेला सिंहस्थ मेळा, महत्त्वाकांक्षी मेट्रोनिओ, नमामि गोदा, नाशिक-पुणे हायस्पीड रेल्वे, इलेक्ट्रीक टेस्टिंग लॅब, कृषी टर्मिनल, रेल्वे ट्रॅक्शन कारखाना, मेट्रोनिओ, रेलनीर प्रकल्प, ड्रायपोर्ट यासाठी या अर्थसंकल्पात कोणतीही तरतूद नसल्यामुळे अर्थसंकल्पात यंदाही नाशिककरांना ठेंगा मिळाला आहे.