सोलापूरमध्ये एका चाळीस वर्षीय तरुणाचा मृत्यू GBS आजारामुळे झाला असण्याची शक्यता आहे. शवविच्छेदन अहवालानंतर हे स्पष्ट होईल. शासकीय वैद्यकीय महाविद्यालयाचे अधिष्ठाता डॉ. संजीव ठाकूर यांनी वेळेत उपचार घेण्याचे नागरिकांना आवाहन केले आहे. मृत तरुणाचा शवविच्छेदन अहवाल आठ दिवसात येईल.
सोलापूरच्या खाजगी रुग्णालयात मृत्यू-
सोलापुरातील तरुणाचा एका खाजगी रुग्णालयात जीबीएस सदृश आजारावर उपचार घेताना मृत्यू झाला आहे. संबंधित रुग्णाला पुण्यात जीबीएसची लागण झाली होती अशी प्राथमिक माहिती समोर आली आहे. पुण्यात उपचार करून संबंधित रुग्ण मूळ गावी म्हणजेच सोलापुरात आला होता.सोलापूर शहरातील एका खाजगी रुग्णालयात उपचारादरम्यान रविवारी सकाळी त्याचा मृत्यू झाला आहे. त्याबाबत शासकीय वैद्यकीय महाविद्यालयाचे अधिष्ठाता डॉ. संजीव ठाकूर यांनी नागरिकांना घाबरून न जाण्याचे आवाहन करताना वेळेत उपचार घ्या, असा वैद्यकीय सल्ला सोलापूरकराना दिला आहे.
वैशंपायन शासकीय महाविद्यालयाचे अधिष्ठाता डॉ.संजीव ठाकूर यांनी एका वृत्तवाहीशी बोलताना माहिती दिली, संबंधित रुग्ण हा अंदाजे चाळीस वर्षांचा होता. खासगी रुग्णालयात मृत्यू झाल्यानंतर आमच्याकडे पोस्टमार्टमसाठी आणला होता. शवविछेदन ज्या डॉक्टरांनी केलं, त्यांच्या प्राथमिक अहवालनुसार या रुग्णाच मृत्यू जीबीएस (GBS) मुळे झाला आहे. पण, 100 टक्के खात्रीसाठी मेंदूतील, रक्ताचे नमुने, छोटे आणि मोठ्या आतड्याचे नमुने हे तपासणीसाठी पाठवले आहेत. त्याच्या तपासणीचे अहवाल हे आठ दिवसात प्राप्त होईल, त्यावेळी जीबीएस मुळे मृत्यू आहे का हे निश्चित होईल, पण प्राथमिकदृष्ट्या जीबीएस आजार आहे असे वाटतं आहे.