रोहा स्थानकात सुपरफास्ट गाड्यांना थांबा

रायगडचे खासदार सुनीत तटकरे यांनी हा मुद्दा रेल्वे मंत्रालयात उपस्थित केला होता. रोहा स्थानकात १० एक्स्प्रेस आणि सुपरफास्ट गाड्यांना एकाचवेळी थांबा देण्यास मंजुरी मिळाल्याने या भागातील नागरिकांना मोठा दिलासा मिळणार आहे. शनिवारी राष्ट्रवादीचे खासदार सुनीत तटकरे यांच्या हस्ते इंदौर एक्स्प्रेसच्या थांब्याला हिरवा झेंडा दाखवून उद्घाटन करण्यात आलं.
मरीन ड्राईव्ह ते वांद्रे प्रवास केवळ १५ मिनिटांत, दहिसरपर्यंत असा होणार फायदा; २६ जानेवारीला खुला होणार मार्ग

रोहा स्थानकात कोणत्या ट्रेन थांबणार?

राष्ट्रवादी काँग्रेसचे महाराष्ट्र प्रदेशाध्यक्ष सुनीत तटकरे यांनी हा निर्णय रोहावासीयांसाठी मोठा मैलाचा दगड ठरणार असल्याचं त्यांनी सांगितलं. ते म्हणाले की, आता रोहा रेल्वे स्थानकावर १० एक्स्प्रेस आणि सुपरफास्ट गाड्या थांबतील. तटकरे म्हणाले की, रोह्यामधील नागरिकांची अनेक वर्षांपासून एक्स्प्रेस आणि सुपरफास्ट गाड्यांना थांबा देण्याची मागणी होती. आता कोचुवेली-इंदौर एक्सप्रेस, कोईम्बतूर-हिसार एक्सप्रेस, कोचुवेली-चंदीगड एक्सप्रेस, दादर-तिरुनेलवेली एक्सप्रेस आणि लोकमान्य टिळक टर्मिनस-मडगाव एक्सप्रेस यासह इतर प्रमुख गाड्या रोहा येथे थांबतील.
कल्याण-तळोजा, दहिसर पूर्व- मीरा-भाईंदर… ठाणे-भिवंडी-कल्याण, कुठे, कोणत्या मार्गावर धावणार मेट्रो

या भागातील लोकांना होणार फायदा

वरील लांबपल्ल्याच्या ट्रेन रोहा स्थानकात थांबल्याने रोहा, माणगाव, कोलाड, पेण या स्थानकांतील प्रवाशांना मोठा फायदा होईल. दक्षिण आणि उत्तर भारताला जोडणाऱ्या या गाड्यांमुळे प्रवास अधिक सोयीचा होणार आहे. यापुढेही रोहा स्थानकावर अधिकाधिक रेल्वे थांब्यासाठी प्रयत्न सुरूच राहतील, असं आश्वासनही तटकरे यांनी दिलं.
रोहा स्टेशनच्या सौंदर्यीकरणासाठी २० कोटी रुपयांची मंजुरी देण्यात आल्याची माहिती सुनील तटकरे यांनी दिली. यात स्टेशनच्या आत आणि बाहेर असा दोन्ही भागांचा विकास केला जाईल. या सुधारणांमुळे रोह्यातील रहिवाशांचं भवितव्य सुधारेल, असंही तटकरे म्हणाले.