आज बाळासाहेब ठाकरे यांच्या जयंतीनिमित्त मुंबईत दोन ठिकाणी मेळाव्यांचे आयोजन करण्यात आले आहे. एक शिवसेनेचा आहे तर दुसरा उबाठा गटाचा. संजय राऊत यांनी बोलताना म्हटले की, शिवसेनेत बाळासाहेबांनी कधीच वेगळा गट निर्माण केला नाही. यासोबतच त्यांनी भाजपावर देखील निशाणा साधला.
कधीच शिवसेनेमध्ये वेगळा गट निर्माण केला नाही
संजय राऊत हे म्हणाले की, ज्यांना बाळासाहेब माहिती आहेत, जे खरोखरच बाळासाहेबांना मानतात, त्यांना हे समजायला पाहिजे की, माननीय बाळासाहेब ठाकरे यांनी त्यांच्या उभ्या आयुष्यामध्ये कधीच शिवसेनेमध्ये वेगळा गट निर्माण केला नाही. त्यामुळे गट हा शब्द चुकीचा आहे. जिथे मातोश्री आहे, तिथे शिवसेना आहे. शिवसेनेच्या नावाने जर बाजारात चायना माल आला असेल तर तो तात्पुरता असतो. यासोबत त्यांनी भाजपावर निशाणा साधला.
Ajit Pawar : सैफवर हल्ला की अभिनय? नितेश राणेंना संशय; अजितदादा म्हणाले, राणेंच्या मनात शंका असेल तर त्यांनी…जिथे मातोश्री तिथे शिवसेना
राऊत म्हणाले की, भारतीय जनता पक्ष हा स्वत: चिनी माल आहे. त्याच्यामुळे ते राजकारणात चिनी मालाचा पुरवठा करत आले आहेत. अमित शाह यांच्या पोस्टबद्दल राऊत म्हणाले, त्यांना बाळासाहेब माहितच नाहीत. ते ढोंस करतात. अमित शाहांना आम्ही प्रतिकुल परिस्थितीत काय झुंज दिली. आम्ही प्रतिकुल परिस्थितीत झुंज अमित शाहसोबतही देत आहोत. अमित शाह आणि नरेंद्र मोदी यांनी ती परिस्थिती बाळासाहेबांच्या शिवसेनेपुढे निर्माण केलीये.
नरेंद्र मोदी आणि अमित शाह यांना संजय राऊतांनी दिले आव्हान, म्हणाले, बाळासाहेबांना…
बाळासाहेबांना भारतरत्न देण्याची मागणी
प्रतिकुल परिस्थितीला सामना करत आम्ही उभे आहोत. हातामध्ये कोणतीही सत्ता नसताना त्यांनी हिंदूंसाठी लढा दिला. नरेंद्र मोदी आणि अमित शाह यांना बाळासाहेबांचे नाव घेण्याचा अधिकार नसल्याचे संजय राऊत यांनी म्हटले. माझे त्यांना (नरेंद्र मोदी आणि अमित शाह) आव्हान आहे शिवसेनेतर्फे आव्हान आहे, बाळासाहेब ठाकरे यांना भारतरत्न देऊन त्यांचा सन्मान करा, असेही संजय राऊत यांनी म्हटले आहे. यावेळी विरोधकांचा चांगलाच समाचार राऊतांनी घेतला.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा