आदित्य ठाकरेंनी यावेळी भरत गोगावलेंवर देखील निशाणा साधला. ‘पालकमंत्रीपदासाठी हावरटपणा करायचा. ज्यांनी कोणी जॅकेट शिवून ठेवले असतील ठीकेय. पण प्रत्येकवेळी ते जॅकेट घालावंच असं नाही. टायर जाळून रास्ता रोको करुन अशी पालकमंत्रीपदासाठी स्थगिती दिली जात असेल तर चुकीचं आहे, अशा मंत्र्‍यांना मंत्रीमंडळातून काढलं पाहिजे, हावरटरणा बरा नाही. रुसवे फुगवे किती काळ चालणार आणि या जनतेची सेवा कशी करणार, हा प्रश्न उपस्थित होतो.

आदित्य ठाकरे पुढे म्हणाले, गृहखात्याने पोलिसांचे हात मोकळे केले तर ते कोणालाही पकडू शकतात. सैफ अली खानचा हल्लेखोर बांग्लादेशी असल्याचे समजते. मग देशात आणी राज्यात भाजपचे गृहमंत्री असताना बांग्लादेशी भारतात घुसतातच कसे, त्यांना भाजप कसे रोखू शकले नाही. हे केंद्र सरकारचे अपयश आहे. गेल्या १० वर्षांत केंद्र सरकारने किती जणांना बाहेर पाठवले याची आकडेवारी सादर करावी. ६ ते ८ महिन्यांपूर्वी आला आणि तो माजी घटनाबाह्य मुख्यमंत्र्‍यांच्या जिल्ह्यात राहिला. पण तिकडे बांग्लादेशातील हिंदू आक्रोश करत आहेत की, आम्हाला भारतात घ्या पण त्यासाठी भाजप काही करु शकत नाही.