Walmik Karad वाल्मिक कराडवर हत्येचा गुन्हा दाखल व्हावा आणि त्याच्यावर मकोका लावण्यात यावा यासाठी मस्साजोग ग्रामस्थ आणि देशमुख कुटुंबाकडून काल मोठं आंदोलन करण्यात आलं. तर, संतोष देशमुख यांचे बंधु धनंजय देशमुख यांनी पाण्याच्या टाकीवर जात आंदोलन केलं. तसेच, कराडवर कारवाई न झाल्यास आत्महत्येचा इशाराही दिला. त्यानंतर आज न्यायालयाने कराडवर मकोका लावला आहे.
वाल्मिक कराड समर्थक आक्रमक, परळी बंदची घोषणा
या निर्णयानंतर परळीत वाल्मिक कराडचे समर्थक आक्रमक झाले आहेत. आज सकाळपासूनच परळीत कराड समर्थकांकडून वेगवेगळी आंदोलनं केली जात आहेत. कुठे समर्थक टावरवर चढले आहेत, तर कुठे जाळपोळ केली जात आहे. कराड समर्थकांनी परळी बंदची हाक देण्यात आली आहे. ऐन संक्रांतीच्या दिवशी परळीत बाजारपेठा बंद करण्यात आल्या आहेत. त्यामुळे परळीत शुकशुकाट पाहायला मिळत आहे. संपूर्ण बीडमध्ये तणावाचं वातावरण निर्माण झालं आहे. 
Walmik Karad: बीड प्रकरणी नवा ट्विस्ट; पुण्यात कराडच्या दुसऱ्या पत्नीच्या नावे कोट्यवधींची मालमत्ता असल्याचा आरोप, कागदपत्र समोर
कराड समर्थकांकाडून सकाळपासून परळीत आंदोलन सुरु आहे. समर्थक रस्त्यावर उतरले आहेत. तर महिलाही आक्रमक झाल्या आहेत. कराड समर्थक महिलांनीतर अंगावर पेट्रोल ओतून घेत आत्मदहनाचा प्रयत्न केला. काही समर्थक हे टावरवर चढले आहेत. तर काहींनी सुरेश धस, क्षीरसागर यांच्या फोटोला जोडेमारो आंदोलन केलं.
कराड यांच्या पत्नीकडून न्यायालयाच्या निर्णयाचा निषेध
परळीच्या पोलीस ठाण्यासमोर आज सकाळपासून वाल्मिक कराडच्या आईने ठिय्या आंदोलन सुरु केलं आहे. माझ्या मुलाने काहीही केलेलं नाही, त्याच्यावर खोटा गुन्हा दाखल करण्यात आला आहे, असं त्यांची म्हणणं होतं. तर कराडवर मकोका लागल्याचं कळताच त्यांच्या आई पारुबाई कराड यांना भोवळ आली. त्यांची प्रकृती खालावली आहे. तर कराड यांच्या पत्नी मंजिली कराड यांनीही यावेळी या निर्णयाचा निषेध केला आहे. जातीयवादातून हे केलं जात असल्याचं त्या म्हणाल्या.
Walmik Karad: कराडला मकोका अन् परळी पेटलं, समर्थकांकडून कडकडीत बंद; पत्नीचा गंभीर आरोप
“त्यांच्यावर होणाऱ्या आरोपांमध्ये काहीही तत्थ्य नाही. ते कुठल्याही गुन्ह्यात दोषी नाहीयेत, हे सिद्ध झालं आहे. जर एखादं आंदोलन करुन वेठीस धरुन एखाद्यावर जाणून बुजून आरोप करत असाल तर ते चुकीचं आहे, ते थांबायला हवं, यामध्ये जातीवाद केला जात आहे, जातीवाद बाजुला ठेवला पाहिजे, असं होईल तर लोक रस्त्यावर उतरतीलच, जातीवाद व्हायला नको, गुन्हेगाराला कुठलीही जात नसते”, असं मंजिली कराड म्हणाल्या.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा