शेतकऱ्याचा उसाच्या शेतात अपघात

याबाबत मिळालेल्या माहितीनुसार, अंबवडे संमत कोरेगावच्या डोंगर नावाच्या शिवारात सोमवार रात्री साडेआठच्या सुमारास किसन वीर सातारा सहकारी साखर कारखान्यासाठी अरुण जाधव यांच्या शेतातील उसाची तोडणी हार्वेस्टरद्वारे सुरू होती. ही तोडणी सुरू असताना या हार्वेस्टरद्वारे तोडलेल्या उसाच्या कांड्या एका ट्रॅक्टरद्वारे गोळा करून ट्रॉली भरली जात होती.
Pune Crime: बायकोची माफी मागत रिक्षा चालकाने संपवले जीवन, अखेरच्या चिठ्ठीत ४ नावं, पिंपरी-चिंचवड हादरलं

उपचारादरम्यान शेतकऱ्याचा दुर्दैवी मृत्यू

शेजारीच अंधारात अरुण जाधव हे इतर कांड्याही गोळा करत होते. हे काम सुरू असताना अचानक कांड्या गोळा करणाऱ्या ट्रॅक्टरखाली ते सापडल्यामुळे गंभीररीत्या जखमी झाले. त्यांना तत्काळ कोरेगाव येथील एका खासगी रुग्णालयात उपचारासाठी हलवण्यात आलं. तेथून त्यांना अधिक उपचारासाठी सातारा सर्वसाधारण रुग्णालयात हलवण्यात आलं, असता तेथे त्यांचा मृत्यू झाला. या घटनेची नोंद रात्री उशिरा पोलिसात झाली आहे.

मृत अरुण जाधव हे अंबवडे संमत कोरेगाव ग्रामपंचायतीचे विद्यमान सदस्य होते. प्रगतशील शेतकरी आणि एक सामाजिक कार्यकर्ते म्हणून त्यांची ओळख होती. त्यांच्यामागे पत्नी, दोन मुलं, आई, दोन भाऊ असा परिवार आहे. सकाळी अकराच्या सुमारास त्यांच्यावर अंबवडे संमत कोरेगाव येथे अंत्यसंस्कार करण्यात आले. या घटनेनंतर परिसरात हळहळ व्यक्त होत आहे.